Shvnsher Karu

Mvluq mvpø̄n dvgvp kadøwa v̀llv́m, zǿm vché høq vdá dvgvp kadøwa v̀llv́m gø ngàí shángòe. Pv̀n vrv̀m pà taq ínìgø, vgàng dvgvp gø, svríshø̀ng dvgvp gø, vché vzut vl dvgvp gø, zǿm mvluq dvgvp gø; pà yv́ng ínìgø kadø v́l sháshì rà we vmáshaq gvcvt rì cvnshi lún bǿngà. j

13 Ngà svng shaq nònggùn dèkv́ng pè Ang taq kèní ngàí pà gø wá dv́ngòe.

1peter 5:10-11

Jejú í dv́ngte zī pè, Kristu vdòng taq namaq svng ègōnøng we Gvrayí nø namaq svng dvciq lvpat Ang dvgùng mvngú lúnlv́m rvt, namaq tiq hvncè dèshànøng dá:ngí Ang vdèí ni namaq svng kø̀mzøp dèzv́rnøng nø, døngtǿng dèzv́rnøng dá:ngí shaq dèkv́ng daqnø̀nge. j11 Ang nø dvciq lvpat øplv́m vmíng laq v̄l. Yadø laq í daq.

2teso 3:16

Mòngzø̀l Angkàng pè A:ngí ni, karvtø̀ taq gø pv̀n vrv̀m taq, namaq svng mòngzø̀l lòng leq zí daqnø̀ng. Vkàngpè nø namaq shvngbe nvng tiqdø laq vl daq.

Bungam 15:2

Yehowa nø ngà nònggùn nvng ngàí shvtá rà pè íe. Ang nø ngà gø̀nshaq shvlutshú íá:mì. Ngà Gvray nø yapè mv̀ng èǿngange; Ngàí Ang svng shvgùnlv́m íe. Ngà vpèò Gvray gø í rvt, Ang svng ngàí shvringòe.

Esaya 26:3-4

Nà svng wa shaqkv́mshì gǿ svng nø, ang gvcvt vjø̄nshaqrì gø nøttǿng nøtdøng dø mvnvtshi rvtnø, kø̀mgøm we Nàò mòngzø̀l lòng vdòng taq Nàí rèdā lú:ngòe.

4 Dvciqciq Yehowa kaq shaq èkv́mshìnøng. Pàwálv́m wani Vkàngpè Yehowa nø dvciq lvpat Lóngdø̀ng íe

Bun gam 33:13-14

Wervt akvt ngàí nø, Nà svng nøt wv́mshì dvzv́r lún we í kvt kèní nø, ngàí Nà svng shálv́m dvpvt Nà tvràri ngà svng shèngøt dakngà wv̄ng røtshø̀nge. Weyv́ng kèní ngàí nø Nà svng wedøni nøt wv́mshì dvzv́r lún lóngòe. Vsvng yadvcì nø Nà bashà ni í we svng gø dèda:mò lè,” a:lòe.

14 Wekvt Yehowaí, “Ngà vdè ni nà nvng tiqdø dø̄ng nø, Ngàí nà svng nārshì lún dvzv́rlv́m íe,” a:lòe.