MVKVNG VYA NVNG TIPVNG VSVNGRI

Tiq nī rvtø taq Tipvng móng kení vsvng tiq mvdò nø vbā taqkuq nvmshì nvng die, wae. Angmaq Mvkvng vyá yvng tuq lu:ngì dvgvp, "Lò, Mvkvng vyáá, nàí nø gvzà vyá èsháòe, pvwá ninø, vyá shèngøntshà lè, taqkuq zía:tnì nī," wae, wa. Mvkvng vyá nø, ngà nø vyá shèngønt nø mv-shāng íwe vshøng rīshì nvng dønge, yarvm dvbvng tiqdø vcvn bøì, có, ècvnránøng, a:lò nø dia:mì,wa. Angmaq nø mvme tiqrām dìá:mì ke, " Wà...taqlà3, nvm dvgø gøm svr lú:ngìé," a:lòe wà ninø, káká ngaqshì nø yà:ngìe lvnshì kē vbā taqkuqrì vgō taqkèní yànyànkā vjā nø dēāá:mà, wae. Wekvt, " Ló, nøngmaq taqkuqrì kadøwa dèshì dèzvrvtshà, bò èteqshà," wà lú:ngì, wà. Mvkvng vyáí, " Ló, nàmaq nvng vyá shèngønt shà, wá èwànøng nì," wà lú:ngì kvt, kadø gø vyvng mv-shá lú:ngà nø yaqkuqpóng vwāwā dø dvsømshì yà:ngì, wae. Wekvt nø kà shøn mà-dū yvng mà-dakshaq èshøn nø, røtshì mà-dū kà mà-dakdak èrøtshì, vsvng kaq dvtá mà-dū kà mà-dvdvmshaq vwà dø dvtá vdūvm ninø vdè battvng søm sháòe