Kristuqò jór nvngòn vngni

Darì vsvngrìò shìlòng gømla íwe wvlgángnø kàngpè yesu nø welòng taq jornø muqlàng móngdàn svng gòng lvm gòngre tiqlòng íbøì we svng 1korintuq 1:23-24 taq Iwe nøngmaqí nø, wurgang taq vtaq yà:ngà pè Kristu mv̀ng dvshā:ngìe. Ang nø Yuda vsvngrì dvpvt nøt vtøprà íāò nø, wv́ngzà rì dvpvt nø dál we lè íāá:mà. Wedø ínìgø vgoshaq rì angmaq dvpvt nø, Yuda vsvngrì ínìgø, wv́ngzà rì ínìgø, Kristu nø Gvray Ang jórnònggùn nvng Gvray Ang shánøt zitnøt ni íāòe.

Wanø vru yàngà we svng yánglún shìe. Luka 9:23 taqø gø A:ngí shvngbe svng rá a:lò we nø, “Ngà mèpvng cv́n mvyǿ we kagǿ ínìgø, vdè svng màmvpáshishaq, ni vrv̀m vdè wurgang baqshi taqsórí Ngà mèpvng laq cv̀n ra" wanø vru yangà. Kristu wurgang svng jor we bóy svng AD 629 nøng Yesuò shvnshvŕ we dvrèrì yàng yà:ngà we dang nvng shvbóng shì lúngà we íe.

Yesu Kristuq svng dvgàm lóngbuq vdòng taq kømbøà mèpvng ang mepvng zanrìí a:ngò wurgáng svng la mvyà:ngò dø tìkùng gvdok tiqlòng taq vpaqò nø má yà:ngà. Welòng svng AD 326 nøng taq Constantine koqkámpèò angmè St. Da Hellenaí we yesu wurgang má yàngà shvrà svng yàng yà:ngà weí shvnshvŕ we shvrà noqngøm tøngnø taq we wurgang svng gvl yàngà.

AD 614 nøng Bashan vsvngrì taq kèní balastine svng gvsat lúngà dvgvp we shvnshvŕ we dvrèrì shvngbe svng tølv:m yàngà. AD 629 nøng taq Constantinople Empire koqkámpè Heraclitus bat taq Bashan vsvngrì svng vrá gvsat dángké bøà weí shvnshvŕ we Yesu wurgang svng Jerusalem kaq svng vrá vtáng lún lú:ngà.

We Yesu wurgang svng Jerusalem kaq zaqvtnà dvgvp wamà vngamø tuq ráì we ínìgø wamà vdung svng góng mvwáshì nø dí mà shvlá ráì dvgvp vng shvnvngø vlwe Patriá Zakarií Koqkámpè svng koqkámpè angò ringwe góng gwárì nvng shémorì nø Kàngpè yesu àngò shvnshvŕ we wurgang nø màdu màbóng we írat bønwe svng paqzí zí yà:ngà. Wekvt koqkámpèí wekà tábøà weó angò góng gwárì svng chut bøà kvt wa yesu wurgang svng to àngò shvrà taq gvl lún yà:ngà wanø mvshølrì taq yáng lúnshìe.