Shvnsher Karu

1korintu 16:13-14

   Pán vshat nàngv̄rshìnøng. Kv́mnøt tvrà taq ngv̀ngngv̀ng èripnø̀ng; gìlà dø nvrø̀m dètéshìnøng, nònggùn dèkv́ngshìnø̀ng. k Namaqí èwànø̀ng dv́ngte shvngbe nø shóngnø:tní dvchǿng èwànø̀ng

Dvrá dvshat 20:4

  Pàwálv́m wani, ngv̀nshàrì svng namaq dvpvt vtúālv́m nvng namaqí dv́ngkélv́m dvpvt, namaq nvng tiqdø dìlv́m pè nø namaq Gvray Yehowa íe,” v̄l ràe

Esaya 40:28-29

   Nàí mèsháò ma? Nàí mètáò ma? Yehowa nø dvciq lvpat cúnshì pè Gvray, rvgaq vtv̄ng yv́ng høq Pv́nshú Dvmø̀ íe. Ang nø mvjór mvsháò dā mvsháò pè í nø, Ang cíngrálnøt svng nø kagǿí gø vløt mvngutshi. w29 Mvjòr gǿ svng A:ngí nònggùn dvká:ngò nø, shaq cv̀m gǿ kaq jórnònggùn rv̄maòe.

Shvgùn Zàywà 73:26

   Ngà shīng nvng ngà nvrø̀m nø, gvyaqshivm nìgø; Gvray nø ngà nvrø̀m nònggùn nvng dvciq lvpat ngà zaqshøp èǿngange.

Esaya 12:2

   Eyà:ngò, Gvray nø ngà svng shvlutshú íe. Ngà nø Ang taq shaqkv́mshø̀ng nø màsvrelv́m íe. Gvray Yehowa nø ngà jórnònggùn nvng zàywàí shvrīng rà pè íe. Ang nø ngà shvlutshú kàngpè íá:mì,” èwā longe.

Shvgùn Zàywà 27:1

     Yehowa nø ngà gálòng nvng ngà chutchv́nglv́m tvrà èǿngange. Kagǿ svng gø ngà màsvreng? Yehowa nø ngà gø̀nshaq garshú í rvtnø, kagǿ svng gø ngà shø̄r mvwvng.