“Mèsèreni nøngmaq nvng vlrì nø angmaq nvng vlrì mvdv̀mø té luqe,” wa vtà:ngòe. 

Búngám 14:14

Yehowaí namaq dvpvt cìl nàtúā daqnø̀nge. Namaq nø shoq màwá v́ldv̀ng èwànø̀ng,” a:lò

Lewi19:18

Tvlē mèteqshìni. Vdè dvcì tiq gǿgǿ svng gø nøt mèyv̀ngni. Vdè svng èshóngshì dø nà tiqdv́ng vsvng kaq gø shóngshì ràe. Ngà nø Yehowa ǿngàe.

Dvrá dvshat6:5

Wervtnø̀ nà tiqnøt shvngbeí gø, nà dòngnøt mvsø̀n shvngbeí gø, nà nònggùn kùngà shvngbeí gø, nà Gvray Yehowa svng shóngshì ràe

Yoshuya1:5

Nà ècúnshi we angni í dv́ngte taq nà svng vtùlv́m nà mv́rdv̀ng taq rip ngu:tnò vsvng tiq gǿ gø màvl long. Ngà nø Moshi nvng tiqdø v̀l yv̀ngà døni nà nvng gø v̀llv́m íe. Ngàí nà svng kadvgvp gø mvgur, nà svng mvlàng rāng.

Rut 3:11 

Ngàcè mèá, mèsèreni, nà èrøt we pà í nìgø ngàí wáalv́m íe. Kadø íe wani nà nø vsvng shvlá tiq mè èí we svng wamà taq vl we ngàrì ngàyàng shvngbeí sháòe

1Samuel 17:47

Wemvdv̀mø, Yehowaí nø shv̀mshvnaq nvng mv̄ngjø̄ng taqkèní chá:ngò we mø̀í we svng shìwà mvngpòngcè yarì shvngbeí gø shá lú:ngòe. Kadø íe wani cìl vshvtlv́m lòng nø Yehowaò í nø, A:ngí namaq shvngbe nø nøngmaq wur svng tèlē daqnø̀nge,” a:lòe. x

2Samuel 7:22 

Vkàngpè Yehowaé, Nà nø kadvngshìni èrīng ráì. Nøngmaq vnàí ni tá yv̀ngshà dø tiqdvchá, Nà dø í we dvgá kagǿ gø màvl. Nà mvdv̀mø Gvray dvgá màvl.

1Koqkám 18:21

Wekvt Eliya nø bashàrì yv́ng svng dì ráì nø, “Namaq nø noqngø̀m tvrà vní dāng dvhø̀ taq kadvgvp høq vkǿnlv́m èwáshìnøng ma? Yehowa nø Gvray í kvt kèní nø Ang svng ècv̀nnø̀ng; í we Baal mv̀ng Gvray í kvt kèní nø, Baal svng ècv̀nnø̀ng,” a:lòe. Inìgø bashàrì nø tiq kà gø màtv́nshi.

2Koqkvm6:16 

Wekvt kàdvtutshú pèí, “Mèsèreni nøngmaq nvng vlrì nø angmaq nvng vlrì mvdv̀mø té luqe,” wa vtà:ngòe.