Cíngrálnøt nvng shánøt bv̄nya vl gǿí nø móngdàn svng shvngà:ngòe.  

Svng mvgv́m nø, kagǿí gø mvyē:rò ke vtshìe. Døngman rì mv̀ng nø kàngkì dø nvrø̀m dvtéshìe.  Móngdàn vdòng taq pō vtùke lù:ngí nø øpshú luq dvzá:ròe. Cíngrálnøt nvng shánøt bv̄nya vl gǿí nø móngdàn svng shvngà:ngòe.  Dvshà vsvng tiq gǿí dvshàrì svng shvnip shvna:lò lòng nø, mvzí dvyø̀ gvyaqò we shødǿng nvng vbónge.  Dvrá svng ngá:lò rìí nø svng mvgv́m rì svng shvrī:ngòe. Dvrá svng cv́n dvdø̄:ngò rìí nø werì svng vtù vgámòe. d

 Svng mvgv́m rìí nø dvrá dø wàlv́mrì svng mvcí:ngò.Gvray svng láò rìí mv̀ng dvrá dø wàlv́mrì svng cí:ngòe.  Nøt dvgoq we mvgàmré mvdv̀m nø, nøt mvdóng dø tvnù:ngò we dvrvt gǿ té shvlāe.  Dvrá svng cv́n dvdø̄:ngò gǿ nø rvwv̄n shánøt v̄l cèpè íe. Mvlárì rv̀mnvng washì gǿí nø angpè svng shvraq chaqòe.