Cv̀mré svng a:ngí cv́n vdū we tvrà taq dèzit dèzà:ngò kvt kèní nø, ang cvrǿngrā høq ínìgø welòng kèní mvrv́lshìv̄m.

Shvngun zaywa 127:3-5

Eyv̀ngnøng, cv̀mrérì nø Yehowaí rv̄l we zaqshøp íe. Cv̀mré rívm we gø Yehowaí zi we gønpaq íe. c 4 Lvpat vrā:mò dvgvp gà:lò we cv̀mrérì nø, shvrē pè wur taq lá:ngò we tvmá angrì rvcí íe. 5 Ang tvrè taq tvmá dv̀nzø̀ng padø angcè luqāò gǿ ang nø kadvngshìni dvnglún lúna:tnà! Wamà gòngchit yv́ng ngv̀nshàrì nvng kà darā ke dvgvp, angmaqí shvraqshi we màhǿm lú:ngò.

Mati 18:2-5

Yesuí cv̀mrécè tiq gǿ goa:tnà nø angmaq dvhø̀ø shvri:pmò sórí, 3 a:lò we nø, “Ngàí namaq svng v̄la:tnìni, namaq nàwv́ngshì ránøng nø, cv̀mrécè døni mèí lóngnøng kvt kèní nø, muqlàng móngdàn svng nø kadø ínìgø góng mèlúnnøng. b 4 Kagǿ ínìgø cv̀mré yagǿ dø ang vdè cipshì gǿ nø muqlàng móngdàn taq té ring gǿ íe. 5 Kagǿ ínìgø Ngà bø̀ng taqkèní cv̀mré yagǿ dø í we tiq gǿ svng vtōò gǿí nø Ngà svng nàtōng we íe.

Mati 18:10

Wervtnø̀ cv̀mré yarì taqkèní tiq gǿ svng gø yv́ng mvtv̀má:mò dø mvwàlv́m rvt nàyáshìnøng. Namaq svng Ngàí v̄la:tnìni, muqlàng taqlapmø v̄l we angmaqò dvzv́r rìí nø, muqlàng taqlapmø vl we Ngà Vpè mv̀rshv̀m svng nv̀nnv̀n yv́ng lú:nòe.

Búngám 22:6

Cv̀mré svng a:ngí cv́n vdū we tvrà taq dèzit dèzà:ngò kvt kèní nø, ang cvrǿngrā høq ínìgø welòng kèní mvrv́lshìv̄m.