Døngman rìí lú:nò we ìshøt

Døngman rìí lú:nò we ìshøt

 Ngà døngman lòng dø tiqdvchá Yehowaí ngà svng nàwv́ngang bǿngà. Ngà wur mv́ngshèr lòng dø tiqdvchá A:ngí ngà svng ètek bǿngà. Pàwálv́m wani ngà nø Yehowa tvrà svng cv́n dø̄ng nø; ngà Gvray kèní rv́lshø̀ng we màvl.  Kadø íe wani Angò dvrá kàciqrì ngà mv́rdv̀ngø v̄l nø; Angò shvdøngshaq dvrá gø ngàí mvgurò. Ngà nø Ang mv́rdv̀ngø shvràlv́m màvl nø; mvrà mvwàlv́m vyángshø̀nge. Ngà døngman lòng dø tiqdvchá Yehowaí ngà svng nàwv́ngang bǿngà. Ngà wur mv́ngshèr lòng dø tiqdvchá A:ngí ngà svng ètek bǿngà.

Dvsházā sháòrì svng Nàí dvsházā nøt dètà:nòe. Shvràlv́m màvlrì kaq nø Nà gø shvràlv́m màvl dø dètánshìe.  Mv́ngshèr vsvng kaq nà gø mv́ngshèr dø dètánshìe. Nøt dvgoq vsvng kaq nø Nà gø èzín we dètanshìe. Kadø íe wani cipshì vsvng kaq Nàí shelu:tnò nø, hángshìrì svng nø Nàí èci:pmòe.  Ngà svmigwìn svng dècøkngāngà nø; ngà Gvray Yehowaí ngàò dø̄lòng svng dègángānge. Nà nònggùn kèní ngàí cìl loksokrì dv́ngkéngò nø, ngà Gvray shaq kèní bāgv̀m wáng mvdv̀m chv̄ng lúnòe.