Gvray Shànshér Kàru

Dvrá dvshat 31:6

Nonggùn dèkv́ngshìnø̀ng, nvrø̀m dètéshìnøng. Angmaq svng svre gø mèsèrenøngni, nøt gø mènàmaq nøngni. Kadø íe wani namaq nvng tiqdø di pè nø namaq Gvray Yehowa íe. A:ngí namaq svng kadvgvp gø mègur mèlàng ránø̀ng,” a:lòe.

Shvgun zàywà 27:12 Ngà kaq vtù vgámshúrì shvrúng dø cv̀nlv́m, mètelēngànø̄ng. Pawá wani mvdø̄ng mvmān we shvkse wáshìrì nvng vzø̀m nv̀mpv̄n shvngv̄mshi rìí ngà svng vtùlv́m búng lú:ngì

Yohan4:18 Kadø íe wani nvchø̀mpè pungwà gǿ èv́la yà:ngì. Akvt nà nàdá pè gø nvchø̀mpè mø̀í; ya kà nø nà dìng dø èshø̀ne,” a:lòe. Roma8:31 Wedø í nìnø yadv́ng pv̀n dang kadø lvshø̀:nìni? Gvray nø nøngmaq lap taq vl kvt kèní nø, kagǿí nøngmaq svng vré lèlú:nìni?

Shvgun zàywà 31:24 Yehowa svng nøt vdǿnshi nø ècānøngrì namaq shvngbeé, shaq nònggùn dèkv́ngshìnø̀ng nø nvrø̀m dètéshìnøng.

Roma15:13 Vlǿm rà zi pè Gvrayí kv́mnøt taq kèní dvbùlv́m, mòngzø̀llv́m shvngbe nvng Shànshér Pvlàcè nònggùn kèní nàmaq svng vlǿm rà dv̀n leq dèzǿnga daqnø̀ng. Esaya41:10 Mèsèreni, Ngà nø nà nvng tiqdø v̄le. Nvrø̀m mèbùmni, Ngà nø nà Gvray ǿngàe. Ngàí nà svng nònggùn dvkv́ng nø, nà svng dvbvnglv́m íe. Ngàò jòr we vbàng wu:rí nà svng tubùmlv́m íe.

 Marko10:27 Yesuí angmaq svng dvjaqò sórí, “Yalòng nø Vsàngí nø mvngutshi. Gvrayí nø ngu:tnòe. Gvrayí nø pà gø wá ngu:tnòe,” a:lòe.