Jòrlv́m júrøtkà

Jòrlv́m júrøtkà

Zàywà mvdò shø̄lshú dvpvt Dawi Shvgùn Zàywà

 Dvshà mvhøt we angni taq, Yehowaí nà svng leq nàtv́na daq! Yakuò Gvray Ang bø̀:ngí, nà svng vháng rāmø leq shèrúng.  Shanshér Tø̀ngnø kèní nà svng dvbvngshú, A:ngí leq dèzv́ra daq. Zion kèní nà svng leq tu leq bùm daq. Nà shòrcaq núngpà shvngbe svng A:ngí dvdv̄m laq rǿ:nò. Nà wv́r núngpàrì svng gø leq nàtoa daq. Nà nøt shèrúng dø tiqdvchá A:ngí leq zi daq. Nàí gvcvt nàjø:nò dv́ngte gø leq shèbǿna daq.  Nà èjòrá:mì lòng rvt, nøngmaq dvbùì nø shvgùn shvtàìe. Nøngmaq Gvray bø̀ng taqkèní sø̀mlàngrì nøngmaqí hànglv́m íe. Nà èrøtrì shvngbe Yehowaí leq dègø̄ma daq. d

Angò Yøtìí vdø̄rshaq pè svng Yehowaí shvlut daqò we akvt ngàí sháng bǿngà. Ang wur vbàng táng jórnonggù:ní chutchv́nglv́m rvt, Ang shànshér we muqlàng taqlap kèní A:ngí vtv́na daqòe. Vsvng tiqmaq nø cìlgàrì taq dvshv́ngshìe. Tiqmaq nø gø̀mrang vdá rvtnø shvringshìe. Iwe nøngmaq nø nøngmaq Gvray Yehowa bø̀ng taq dvshv́ngshàìe.  Angmaq nø vtūng nø vkupmá:mì. Nøngmaq nø kūngshàì nø dv̀ngmvdóng ri:pmìe. Yehowaé, koqkv́m pè svng shèlu:tnò. Nøngmaqí gōì ke natv́na daqshà.