Jømciq rí taq Kèní Pvlàcè nònggùn lun shì lvm

                                 Jømciq rí taq Kèní Pvlàcè nònggùn lun shì lvm

Mati 11:28

“Vlishì we døngjá èrínøng nø mèjòrnøng rì namaqé, Ngà yv́ng èdi ránøng; Ngàí namaq svng nārshì dvzv́ra:tnìni. w 29 Ngà paqdv̀ng èrínøng nø, Ngà taqkèní ècv̄nshì ránøng; pàwálv́m wani Ngà nø nøt kø̄n nø cipshø̀nge. Wekvt namaq dòngnøt mvsø̀n* dvpvt nārshìrà lá èlún lóngnønge. x 30 Kadø íe wani Ngà paqdv̀ng nø rí nàm nø, Ngà døngjá gø vnànge,” wae. 

Mark8:36-38

Vsa:ngí nø móng døngtáng shvngbe angò wáv́m lú:nò nìgø, ang gø̀nshaq sǿmvm nìnø a:ngí kapà vjú lú:nòe ma? 37 Vsvng tiq gǿ ang gø̀nshaq tvle nø, kapà tiq pà:ní cheshi lún daqe ma? 38 Dàchapke nø mvrà wàò we yamvril dvhø̀ø, Ngà nvng Ngà kàrì svng shvraqshi we kagǿ í nìgø, vsvng angcè pè Ngà nø vpè pòngbàng ngø̀r we vdòng taq, shànshér we muqlàng dvzv́rrì nvng tiqdø langshø̀ng dak dvgvp, Ngà gø we gǿ svng shvraqshilv́m í longe,” a:lòe.

Luka19:10

Pàwálv́m wani Vsvng Angcè pè nø vmvng rì svng lá nø chutchv́nglv́m dvpvt dì daqì,” a:lòe.

Johan16:33

Ngàí namaq svng yadv́ng pv̀n dvtá bǿshà we nø, Ngà vdòng taq mòngzø̀l lòng namaqí lúnlv́m dvpvt íe. Rvgaq tø̀mø nø namaqí dvshà mvhøt lòng nàhǿm lóngnø̀nge. Inìgø shaqshaqwa èv̀lnøng, rvgaq svng Ngà jorv́mà,” a:lòe.