Kàshvgøprì kadø vjú vl we

Kàshvgøprì kadø vjú vl we

 Israel dvcì koqkv́m Dawi angcè pè Solomon a:ngí shø̀n yà:ngà we kàshvgøprì:  Kàshvgøp yarì nø, zitnøt nvng shvngøtkà nvng rvnaq we dvdvmnøt kàrì svng cíng ràllv́m dvpvt íe. Døngman we, vdu vbóng we nvng dvrá we dang taq, zitzv̀ng vsvng wáshì we laqyà cv̄nshì lúnlv́m dvpvt gø íe.  Vrá, nøt mvgøp vsvng kaq dvzit dvzv̀nglv́m, vlàngrérì svng gø shánøt bvnyā nvng dak rvwvnnøt lún dvzv́rlv́m rvt íe.

 

Zitnøt v̄l vsvng tashi nø, paqzí bvnyā laq rv̄mshi long. Cíngrà:lò Vsàngí gø tǿng nø kv́mv́m vrvm we dvtúkà laq lú:nò. Kàshvgøp nvng shvbónghang svng gø, zitnøt vl vsvng kàrì nvng angmaq weqshv̀mkàrì svng tá shálv́m dvpvt íe.  Shánøt bvnyā angké dvbóng nø Yehowa svng vpǿ svreò lòng íe. I we dál Vsàngí nø zitnøt rálnøt nvng dvzit dvzv̀ngkà svng tī mvlá:nò.

Add new comment

15 + 1 =