Móngdàn svng Gvrayí dvsházālv́m júrøtkà

Móngdàn svng Gvrayí dvsházālv́m júrøtkà

Zàywà mvdò shø̄lshú dvpvt Kora angcè rìò Shvgùn Zàywà 1 Yehowaé, Nà móng svng Nà shèrúng yà:ngì. Vgùngv́m yà:ngà we Yaku dvcì cèrì dvnglún ílv́m tvrà, Nàí dètv́nga yà:ngà. a 2 Nà bashà rì vléshì we mvrà svng Nàí èchutna yà:ngà. Angmaq mvrà shvngbe svng Nàí èwv̄ma yà:ngà. b 3 Nà shv̀mná èhøprì shvngbe Nà rèdāshì yà:ngì nø, vcōr we Nà shv̀mnárínøt kèní Nà nàwv́ngshì yà:ngì. 4 Chutchv́ng pè Gvrayé, nøngmaq svng ngvnì dø dètv̀ngshà nø, Nà shv̀mná høpnøt èna:rò. c 5 Nøngmaq svng Nà tiq dvciq shv̀mná rílv́m í ma? Nà shv̀mná rínøt tiq mvril nø tiq mvril shvyvnglv́m í ma? d 6 Nà bashà rì nø Nà vdòng taq dvbú lúnlv́m rvt, Nàí nøngmaq svng shàban mèdèzv́rshà ni ma? e 7 Yehowaé, Nà mvkok dvdínøt nøngmaq svng dètānshà nø, Nà chutchv́ng jejú gø nøngmaq svng èrv̄l daqshà. 8 Gvray Yehowaí pà shø̀n lú:ngò má, ngàí tálv́m íe. Kadø íe wani Angbashà rì nvng shànshérrì svng mòngzø̀l we kà shø̀n daqe. Iwe, angmaq nø dál we tvrà svng tv́n tiq kvt nø laq màtv́ng. f 9 Jø̀ngjǿng, Ang svng vpǿ svrerì svng nø A:ngí chutchv́ng we jejú tvp níshìe. Ngø̀r dvgùng v̄l pè Ang gø nøngmaq móng taq v́ldv̀ng wa daqe. 

  Mvkok dvdínøt nvng dø̄ngtǿng nøt nø tiqdø vhø̄má:mì. Dø̄ngman we nvng mòngzø̀l we gø tāsvng tàle vbùkēe. h 11 Kv́mv́m daqnøt nø rvgaq tø̀m kèní yó lú:ngì nø, døngman lòng nø muqlàng taqlap kèní dvjaq daqì. i 12 Jø̀ngjǿngni, Yehowaí shvla pv̀n wa zi daq nø, nøngmaq rvgaqí gø mvzídvyø̀ pǿng dø shvluq lú:ngòe. j 13 Dø̄ngman lòng nø Gvray vzv̀ngzv̀ng di weí, Ang dìlv́m tvrà wà lú:ngòe.