Mvjòr rì svng go we

Mati 11:28-30 Mvjòr rì svng go we 28 “Vlishì we døngjá èrínøng nø mèjòrnøng rì namaqé, Ngà yv́ng èdi ránøng; Ngàí namaq svng nārshì dvzv́ra:tnìni. 29 Ngà paqdv̀ng èrínøng nø, Ngà taqkèní ècv̄nshì ránøng; pàwálv́m wani Ngà nø nøt kø̄n nø cipshø̀nge. Wekvt namaq dòngnøt mvsø̀n* dvpvt nārshìrà lá èlún lóngnønge. 30 Kadø íe wani Ngà paqdv̀ng nø rí nàm nø, Ngà døngjá gø vnànge,” wae.

2korintu 4:16-18 Wervtnø̀ nøngmaq nøt mvtì:nì. Nøngmaq shagóng nø svrǿng mvnshì we ínìgø, nøngmaq pvlàcè góng nø tiq ni nø tiq ni angshv́r vpo mv̄nshàìe. 17 Kadø íe wani tiqlvngcè dvpvt wa dvshàì lòng nø nøngmaq dvpvt shvbóng mvtǿmshì we, dvciq lvpat ngø̀rdvgùng nàpoa lú:ngìe. 18 Nøngmaq nø neí yv́ngshì rì svng cāì we nø mø̀í, mvyà:ngì rì svng lè cāì we íe. Pàwálv́m wani neí yà:ngì rì nø tiq rvtø̀cè dvpvt wa í nø, neí mvyà:ngì rì nø dvciq lvpat zá:nò lòng íe.

Filipi 4:6-7 Pa dang taq gø góng mèginøngni. Pv̀n vrv̀m taq mv̀ng nø, júrøtshi we nvng oqà wa taqsórí, namaq røtshì mèyǿnøngrì nø Gvray kaq shá dèzv́rnøng. 7 Wekvt nø cíngrál mvlúnshì dv́ngte lø̀m vlēò we Gvray Ang mòngzø̀l long nø, Kristu Yesu vdòng taq namaq dòngnøt nvng namaq shánøt dvdv̄mnøt svng, nàcún nàsónga daqnø̀nge.