Pèmè kà tá rà we

Pèmè kà tá rà we

Ngàcèé, nvpè dvzit dvzv̀ngkà svng ètāshi da. Nvmèí shvngøt dvtú we kà svng gø mègurni.Jø̀ngjǿng werì nø nà vgo taq vnvplv́m nv̀mpuwvt kwv̄ng nvng Nà lóngjvng taq gweshìlv́m dv̀ngnvk yv̀ng èíā longe.  Ngàcèé, mvrà vl rìí nà svng la dèzv̀ngvt nìnø mètāni.Ladv́ng angmaqí, “Nøngmaq mèpvng èzv̀n ra. Vsvng gø̀nshaq* rvtlv́m vlìá:mì, pàzì màcaqrì svng gø mvtú màdá vkwìá:mì.Zùpvng da:ngí naqò dø, nøngmaqí angmaq svng vngvt naqì nø, shì dòngjø̄m svng shvrøtshìrì dø, góngkøp pv̀l dvba:lì. 

 Vpǿ vtv̄ng we pø̀shi pø̀mè angpv̀npv̀n lún lú:ngìe. Nøngmaq chø̀mrì gø tø̄l lún pø̀í dvzǿng lú:ngìe. Nà gø nøngmaq nvng tiqdø mvtū dèpvtshì ra, nøngmaq shvngbe nø gv̀msùng yǿng tiq lòng wa mvngúì,” lā wā ra nìgø; Ngàcèé, angmaq nvng tiqdø mèzv̀nni. Angmaq tvrà taq mèdini.  Kadø íe wani angmaq hí nø mvgv̄m we bv̀nlì wàlv́m vjèr nø, vsvng shvwi shvyǿlv́m vpá:nē. 

 Jø̀ngjǿngni, cārì shvngbe negv̀mø, pvyá èrā:nò nìnø vshø̀ng íe. Iwe vsvng yamvdò nø vdè shvwi shvyǿshìlv́m vkwíshì nø, vdè gø̀nshaq dvsǿmshìlv́m vlíshìe.Vzø̀m nv̀mpv̄n wàò yv́ng kèní lú:nò vsvng gǿ vrv̀m cúnshì mvtú dvtø̄m nø yadø chāe. Tølvm yv́ng kèní pø̀ lúnv̄m rì gø̀nshaq svng gø tø̄lv́m bǿòe.