Pvlàcè Nònggùn Lún Lvm Jømciq Rì

    Pvlàcè Nònggùn Lún Lvm Jømciq Rì

Mvgv̄m màshvla we í dv́ngte taqkèní Yehowaí nà svng ègārvtne. Nà pvlàcè svng A:ngí èroq daqe

  Inìgø nøngmaq Vkàngpè Yesu Kristu taqkèní, nøngmaq svng jór dèzá:rì pè Gvray kaq mv̀ng oqà

Gø̀nshaq shvlut lòng nø Yehowaò íe. Nà shvmánkà nø nà bashàrì mvdv̀m laq vl. h

  Namaq tiqnøt tiqmvsø̀n shvngbeí Ngà svng èlásha kvt kèní nø, Ngà svng lá èlún lóngshàe. g 14 Ngà svng namaqí lá èlún lóngshà nø namaq kaq nàdv̀ngnø̀ng yv́ng kèní Ngàí namaq svng vtv̀nglv́m íe,” wa Yehowa shø̀ne. “Ngàí namaq svng lùng bǿshà we vsvng dvcìrì shvngbe nvng rvgaqri shvngbe taqkèní vrá dvkø̀:mì nø, vzv̀ng èv̀l yv̀ngshà we rvgaq svng ni Ngàí vtv̀nglv́m íe,” wa Yehowa shø̀ne.h

  Mòngzø̀l Angkàng pè A:ngí ni, karvtø̀ taq gø pv̀n vrv̀m taq, namaq svng mòngzø̀l lòng leq zí daqnø̀ng. Vkàngpè nø namaq shvngbe nvng tiqdø laq vl daq.

  Pàwálv́m wani vdè gø̀nshaq shvlutshi mvyǿ we kagǿ gø, gø̀nshaq vmvngv̄me. Ngà dvpvt rvt gø, Dvbùshv̀ngkà rvt gø, vdè gø̀nshaq vmvng we kagǿ gø gø̀nshaq lutshi longe. r 36 Vsa:ngí nø móng døngtáng shvngbe angò wáv́m lú:nò nìgø, ang gø̀nshaq sǿmvm nìnø a:ngí kapà vjú lú:nòe ma?

  Nà svng shèmánarì kaq ngàí shvmánangò nø, Nà svng mètv́nvt gǿ kaq Ngàí gø mvtv́nlv́m íe. Vrá, rvgaq tø̀mò vsvng dvgø̀ngrì shvngbeí gø, nà taqkèní ìshøt ìgv̀n lún lú:ngòe,” a:lòe.

   Ó Yehowaé, zùpvng dang kèní Nàí ngà svng ècø̀ngà nø, shì dòngjø̄m svng lā mvgòngvm dø, ngà svng Nàí vngvt cúnshì dèzv́ràe.