Pvlace dvpvt nonggwøn lùshì lvm Jømciq

Pvlace dvpvt nonggwøn lùshì lvm Jømciq

1Tesalonia 2:11-12 Kadø íe wani, angpè tiq gǿí angcè svng shvngø:tnò padø, nøngmaqí namaq tiq gǿ nø tiq gǿ svng kadøwa dvshat dvzi:tnì sórí nøt shvlø̀:mì nø, 12 Ang móngdàn nvng ngø̀rdvgùng vdòng svng dvgònglv́m ègonø̀ng pè Gvray mv́rdv̀ngø go vpǿ dø tvnùnglv́m rvt nònggùn zí yv̀ngshà we gø namaqí èshánønge.

Marko 10:27 Yesuí angmaq svng dvjaqò sórí, “Yalòng nø Vsàngí nø mvngutshi. Gvrayí nø ngu:tnòe. Gvrayí nø pà gø wá ngu:tnòe,” a:lòe. Filipi 1:6 Vrá namaq vdòng taq bv̀nlì shvlá wá pv̀ng bǿà pè A:ngí nø, Kristu Yesu angni høqshaq, bv̀nlì yalòng tv̀ngdv́ng wà lú:ngòe, wvng vlǿmshø̀nge.

Shvngùn Zàywà 37:23-24 Vsvng hígán nø Yehowaí rvwv̄nashaq í nø, wegǿí cv̀n lú:ngò tvrà svng Ang shvrúng nø A:ngí shvdø̄ngāòe. 24 Ang vtūngv̄m dvgvp gø, hø̀ngbø̄m màdvpshìv̄m. Pàwálv́m wani ang wur zø̀:mò gǿ nø Yehowa íe.

Hebru 10:24-25 Vrá, shóngnøt nvng bv̀nlì shvlá rì taq tasv̀ng tàle nònggùn vzíkélv́m, tiq gǿ nø tiq gǿ dvshatkéì. 25 Vsvng tiqmaq wáshì dø, nøngmaq dvkǿmshàì tvrà nø laq mvna:rì. Kàngpè Angnī welòng tuq yúl mv̄nshì we svng namaqí èshánøng rvtnø téwa yadø nònggùn nàzíkénøng. Luka12:32 Vyv̀ngré cèrìé, mèsèrenøngni; pàwálv́m wani móngdàn lòng nø namaq svng zílv́m Nvpè vtv̄ng kèní wv́mshìe.