Shàshér Kàru rì taq kení pvlàcè nònggùn lun shì lvm

Shvngùn zàywà 28:6-7

Yehowa nø ìshøt ìgv̀n laq pǿng dv̄r. Pàwálv́m wani ngà kórshø̀ngkà svng A:ngí ètángānge. 7 Yehowa nø ngà nònggùn kùngà nvng dvgà èǿngange. Ngà nøt nø Ang svng vdǿnshø̀ng weí dvbv̄ng we gø lúnòe. Wervtnø̀ ngà nøt gø vtv̄ngkèní dvbòng nø, ngà shvrīng zàywàí Ang svng shvrīng shvtàlv́m íe.

Hebru12:1-3 Wervtnø̀, yadv́ngte luq we shvkse tiq mvdòí nø rvmøt vkǿn dø nøngmaq svng gùr èkwa:ngì rvtnø nøngmaqí gø bǿnnì bǿnsa:ngí nàdv̄ngkéì rì shvngbe nvng yùlyùlcè shèwáì we mvrà svng chut gū:rì nø, nøngmaq vzv̀ng kaq èv́laì we kvlv́ngrà taq tø̄n zánnø:tní kvlv́ng dvjūnlv́m wàì. 2 Nøngmaq kv́mnøt tvrà angké dvbóng nvng kø̀m dvgø̄mshú pè; Ang vzv̀ng kaq v̄l da we dvbúrà rvt, shvraq màchaq vhǿm bǿà rì svng pà tì mvlá:nò nø; wurgang tø̀ng mvhøtlv́m lòng tø̄nshì bǿì yv́ng kèní, Gvray koqkv́m rúngtv̀ng vbàngpa yv́ngø rúngá:mì pè Yesu svng vdaqdv̀ng wa dvjaqì. 3 Namaq mèjòrnøng weí nøt mvtìnlv́m rvt, mvrà v̄l rìí zē:rò nø vza:tnò lòng svng tø̄nshi yà:ngì pè Yesu svng dèdvmnøng.

Esaya 40:31 Inìgø Yehowa svng vlǿmshì nø cāò rìí nø, nònggùn angshv́r vshv́rshi lún lú:ngòe. Wekvt angmaqí nø làngdø̀ngmèrì dø chēr rìí vlāng lú:nò nø, angmaq kvlv̀ng nìgø mvjòrlv́m màvl long; tvrà di nìgø, vnìlv́m màvl long.

Shvngùn zàywà 46:1-3 Gvray nø nøngmaq máshìrà nvng jórnònggùn èíāìe. Ang nø dvshàmvhøt rvtø̀ taq dvbv̄nglv́m tvlú dvgǿshìshaq íe. 2 Yadø í rvtnø, rvgaq tvlēshìv̄m nìgø nøngmaq màsvreì. Shìgùngrì nø nvmukdvra naqràng svng vløpmv̄m nìgø, 3 werì tì vhōshì nø vshū long we ínìgø, tì tø̀ng nø pvlòng long weí shìgùngrì vnānshi long nìgø, màsvreì.