Shènshér kàru

Nv̀mbø̀ng mvrù mut rā ke Yehowa shaq táshì we Dawi Shvgùn Zàywà

1 Ngø̀r dvgùng nvng jórnònggùn nø Yehowa svng ènúnganø̀ng. Nònggùn jòr pè angcèrì* namaqé, Gvray svng ni ènúngānø̀ng. GvrayAng bø̀ng svng zí vdū we ngø̀r dvgùng nø, Gvray svng ènúngānø̀ng. Shànshér we gwálv́m ègwāshìnø̀ng sórí, Gvray svng ènoqnøng. 3 Gvray Ang kà shaq nø nvmukdvra tì mvdv̀m dvhøq bǿà. Pòngbàng ngø̀rpè Gvray nø muq dø̄ gø̀me.Gvray Ang ni nvmukdvra tì gwaqlàng mvdv̀mø muq dø̄ gø̀me. c 4 Gvray Ang kà shaq nø, jórnònggùn v̄le. Yehowa Ang kà shø̀n we nø, ring nø ngø̀re.d 5 Gvray Ang kàshaqí tvnø̀n shǿngrì giqòe. Jø̀ngjǿng, Yehowaí Lebanon tvnø̀n shǿngrì gvyø:pmòe. 6 Lebanon shigùng svng nø A:ngí nungwàcè dø jut dvzá:ròe. Sirion mvrùl svng gø poqlv́m ngvrv̀m dø jv́ng dvzá:ròe.e 7 Gvray Ang kà shaqí muqcøn còngmè vlapshì dvzá:ròe. 8 Gvray Ang kàshaqí zømwàng vnā:nòe. Yehowaí Kadesh zømwàng rvgaq svng vyø̄:lòe. f 9 Gvray Ang kàshaqí shvtnga svng angcè shøq dvzá:ròe. Mvlø̀ngrì gø chatchat vshvp dvzá:ròe. Ang shànshér tø̀ngnø taq v̄l dv̄ngteí gø, “Pòngbàng ngø̀re,” wa dvsha:ngòe. g 10 Gvray nø tìnv̀m dvzø̀:rò dvgvp gø, Ang rúngtv̀ng taq Koqkv́m wáshì yà:ngì. Jø̀ngjǿng, Gvray nø Ang rúngtv̀ng taq, dvciq lvpat Koqkv́m wáshìe. h 11Gvrayí Ang bashàrì svng nònggùn zí daqòe. Gvrayí Ang bashàrì svng mòngzø̀llòng shvmánā daqòe.