Shanshér mvrùl yv́ng v̄lrì shvtà we

Shanshér mvrùl yv́ng v̄lrì shvtà we

Dawi Shvgùn Zàywà

 Yehowaá, Nà shìyat taq nārshì lú:nò we nø kagǿ íe ma? Nà shànshér mvrùl taq v́l lú:nò we nø kagǿ íe ma? Nøt mvdóng dø tvnùng sórí, døngman we bv̀nlì wàò nø, Ang nøt vdòng taq dìng we kà shø̀:nò gǿ mv̀ng íe. Ang nònggøp kèní dvcíkà mvshø̀n. Ang rv̀mnvng svng màshup dø mvwàònø, ang tiqdv́ng vsvng kaq vbønke we kà tiq kà gø màdvsha:ngò. 

We pè nøt taq nø vsvng mvchá kaq yv́ng mvtv̀má:mò nø, Yehowa svng vpǿ svre vsvng kaq lè vpǿ shvri:ngòe. Ang sǿm we ínìgø, ang dvgv́mshi bǿì kà mvposhì.  Vdè gv̀msùng nø vmit taq mvru:mò.* Pàzì màvlrì svng vtùlv́m mvyø̀n zōngyā gø màv̄m. Yadø wáshì gǿ nø kadvgvp gø v́l lúnshi nø vjūnshì mvrà long.