Shansherpè. Philip Neri

Shansherpè. Philip Neri

Vjùrøt lvm nvng noqngøm lvm dalà nvmlat pa:ngyàngà pè St.pilipnèri nø AD.1515 nøng Italy mong Loríng Myo taq shøq yanga.Angnø cvmré lvpat kèní cep nønt vl pè inø "Ka ta we pilipce" wa nø gø tøynga. Lvpat(18)dvgvp Gvray SHANSher we pvlace taq kèní dálvm kúmlà yvnglúno nø gvrayí shølwe vdòng Roma Myo svng búng vdù yvngì.búngami we dvrà taq dvshà lvm gø mvmè vhømyvngà we iní gø vjúrøt shìwe í nònggún lùshi yvngì. Ang vlwe chøm cvmréri kaq svng paqzí cvnaò sóri mongkà paqzíri mvmè pvn cvn shiyvngì.Ang svng vlømvm dàq we paqzí vdèpè wa nø gø tøyvngà. Tiqni rvtø taq ang taq vl we kàru bok rí svng namò nø vjàng laqyà dínwe,Gvray nvng vcar we vsvng rí nønt vwvngshi lúnlvm rvt Roma Myo svng svsana walvm búngyvngì. St.pilipneri nø vhølvm angpvnpvn dvtvn sháò dø tiqdvchá dvbushang bvnlíri taq gø vsvngloqloq nønt byo dø dvtvnò nø mòngkà dvshangyvngà AD.1548 nøng taq nø vshømgòng tiqgòng gvrayò angnvm angchvngri wa we tiqmvdo svng puqpvng yvngà.Anglvjøm nø Gvray kaq noqngøm lvm nvng shiqshan lvm mvlúnò we vsvng ri dvpvt a:pnóng shilvm rvt íè wa è. St.pilipneri ang taq kèní shvróng we taq Gvray noqngøm chøm rí svng vrìqlvm nvng kangpè yesuò kàgvp svng rvtø lóqlóqzíshi nø vjúrøt shi nø nònggun lùshilvm lòngsvng shvròngè. AD.1544 nøng,Shansher lvpace boy gò we angni taq St. Sebastian dvgàm dvdòng vjúrøt we rvtø taq zvmè tiqpuq nø ang nònggùp yvngkèní anggong vdòng svng zàngshilòngí nø Shansher pvlace tvnsøng we jèjú kønpaq gø vto shilún yvngà. St.lilipneri anglvpat 36 nøng taq nø Wajau vyà kvmshinø we nøng taq ní Vallicela taq vl we Center Maria noqngømchøm yvng dvbushang bvnlí wa lvm tiq mvdò svng gø puqpvng yvngà.Ya dø dvbushang bvnlíri waò we í Gvray tvrà mvshàò we vsvng mvmè vwvngshi dvzvr yvngà we svng gø shálun shiè. St.lilipneri taq kèní vzàngkaq a:pnóng shibøí we shansherri svng gø mvmē vpø shvríng we bvnlíri gø Wa yvngà. AD.1595 nøng anglvpat bèrvtø shvmvn kà shøn we taq pvnvrvm shvngbè nvng lvngdøm taq nøngmaq gøGvray vdòng shagóng dvjøng shilvm wa íshaè wa shønyvngì.