Shvngbe mvdv̀m vpǿ we tiq pv̀n nø, tiq gǿ nø tiq gǿ vshòngkelv́m rvt nàshònøng. Kadø íe wani shóngnø:tní nø mvrà póngràng svng wv̄m dá:ngòe.

Yohan13:34-35

Namaq tiq gǿ nø tiq gǿ nàshòngkénøng, wvng dvkv́mkà angshv́r tiq lòng Ngàí namaq svng zí ráìe. Ngàí namaq svng shù:ngì dø, namaq gø tiq gǿ nø tiq gǿ nàshòng kénøng. x 35 Namaq tiq gǿ nø tiq gǿ nàshòngkénøng we yalòng taqkèní namaq nø Ngà coqcv́n èínøng we vsvng shvngbeí shá bǿòe,” a:lòe.

   Roma13:8-11

Vshòngkelv́m lòng wa mø̀í nìnø, kagǿ svng ínìgø kapv̀n shvrv́n gø mènàjø̄ni. Pàwálv́m wa nìnø vsvng kaq shóngshì lòng nø, dvrá svng kø̀m dvgø:mò we íe. e 9 Kadø íe wani nà nø, “Vsvng mèdèchapni; vsvng mèshvtni; mèkø̄ni; shaq mèkaqni,” wa kà mvdv̀mø dvkv́mkà dvgá kapà vl nìgø, “Nà vdè góng svng èshóngshì dø nà tiqdv́ng vsvng kaq shóngshì ràe,” wa kà taqwa kø̀mgøm vbá we íe. f 10 Shóngnø:tní nø ang tiqdv́ng vsvng kaq mvgv̄m màshvla we tiq pv̀n gø mvwàò; wervt shóngnø:tní nø dvrá svng kø̀m dvgø:mòe. g 11 We mvdv̀mø, angni angrvtø̀ yalòng svng èshánøng dø tiqdvchá nàmaq èyøpnøng yv́ng kèní vshatlv́m rvtø̀ nø, akvt gøni íá:mì. Pàwálv́m wani nøngmaq chutchv́ng lúnlv́m lòng nø, nøngmaq kv́m yv̀ngshà rvtø̀ mvdv̀mø akvt téwa níshì ráì.

  Yohan3:16-17

16 Ang kaq kv́m vsvng kagǿ ínìgø màmvng nø dvciq lvpat gø̀nshaq lúnlv́m dvpvt, Angcè Lòngzàpè zí daqì høqshaq ni Gvray nø rvgaq tø̀m vsvng kaq shóngshie. k 17 Kadø íe wani Gvrayí Angcè pè rvgaq tø̀m svng dvzv́r daqà lòng nø, rvgaq tø̀m svng kàngélv́m dvpvt mø̀í, rvgaq tø̀m nø Ang taq kèní gø̀nshaq shvlut lúnlv́m dvpvt mv̀ng íe.

1Peter 4:8

Shvngbe mvdv̀m vpǿ we tiq pv̀n nø, tiq gǿ nø tiq gǿ vshòngkelv́m rvt nàshònøng. Kadø íe wani shóngnø:tní nø mvrà póngràng svng wv̄m dá:ngòe.

               1Yohan4:8

Shóngnøt màv́l mvdaq we 7 Shóngshøng rìé, nøngmaq nø tasv̀ng tàle vshòngké ràe. Pàwálv́m wani shóngnøt nø Gvray yv́ng kèní íe. Vrá, shóngnøt v̄l vsvng gǿ vrv̀m nø Gvrayí vgv́lshaq í nø, Gvray kaq gø sháòe.