Shvnsher Karu

Pán vshat nàngv̄rshìnøng. Kv́mnøt tvrà taq ngv̀ngngv̀ng èripnø̀ng; gìlà dø nvrø̀m dètéshìnøng, nònggùn dèkv́ngshìnø̀ng.

Yaku 1:2-4 Vnvm vchvng rìé, namaq nø dvløtlv́m mvme pv̀n nàhǿmnø̀ng dvgvp, dvbùlv́m wa dèdutnøng. b 3 Pàwálv́m wani namaq kv́mnøt svng vløt lù:ngí nø, tønzánnøt dvbūng lú:ngò we svng èshánønge. 4 Namaq nø kø̀mgøm tétǿng lún nø, kapv̀n taq gø mvluq mvpø̄n we màv̀llv́m dvpvt dvløt ra lòng svng lv̀ngdø̀m høq ètø̄nshìnøng.

Esaya 40:31 Inìgø Yehowa svng vlǿmshì nø cāò rìí nø, nònggùn angshv́r vshv́rshi lún lú:ngòe. Wekvt angmaqí nø làngdø̀ngmèrì dø chēr rìí vlāng lú:nò nø, angmaq kvlv̀ng nìgø mvjòrlv́m màvl long; tvrà di nìgø, vnìlv́m màvl long.

Mati 6:3 Iwe, nàí dvsházā bv̀nlì èwàò dvgvp, nà vbàng wū:rí èwàò lòng nø nà vgwé wū:rí laq mvsháò. a

Roma 12:9 Shóngnøt nø vní shvlē laq màvl. Mvgv̄m màshvla we svng ènǿmshìnøng; shvla we svng mv̀ng nø kvp mènvtshìnøng.