Shvnsher Karu

Shvgun Zaywa bok 145:1-4

Ngà Gvray ngà koqkv́m pèé, ngàí Nà svng shvringlv́m íe. Nà bø̀ng svng gø dvciq lvpat shvtàlv́m íe. a 2 Nà svng ngàí ni vrvm shvring shvtàng nø, Nà bø̀ng svng mvril laril dvgùng shvringlv́m íe. 3 Yehowa nø vtvngshaq ring nø gvzà shvtá vpǿe. Ang ring we dvgùng gø vjáng mvtǿmshì. b 4 Nà bv̀nlìrì nø tiq mvril cèrìí tiq mvril cèrì svng dvshā:ngò nø, Nà jórnònggùn bv̀nlìrì svng shvtà lú:ngòe. c

1yohan 4:4

Cv̀mré rìé, namaq nø Gvrayò èínøng rvtnø vyà we kàdvtutshúri svng èdv́ngke bǿshà. Kadø íe wani namaq vdòng taq v̄l pè Ang nø, rvgaq tø̀mø v̄l pè mvdv̀mø nònggùn jòre.

Shvgun Zaywa bok 92:14-15

Yehowa nø nøt mvdóng pè í we tvrà angmaqí dvshv̄ng lúnlv́m dvpvt, angmaq cvrǿng ra mèpvng gø angshí wedøni shílong nø, kadvgvp gø yø̄tì dv̀nzø̀ng weí mvshǿngdv̀ng wa longe. Yehowa nø ngà Lóngdø̀ng èǿngang nø, Ang vdòng taq nø mvdø̄ng mvman we pà gø màvl.n

Shvngxtshú 5:5-7

Kà èrvtshì dá:ngí wá mèdègø̄:mò lòng mvdv̀m nø kà mèrvtshì lòng té shvlae. d 6 Nà nònggøp kàí nà svng mvrà wá leq mèdèzv́r. Gvray dvzv́r mv́rdv̀ngø kà ècheò nø, “Ngà kà rvtshø̀ng bǿngà lòng nø vléng bǿngà,” mèwani.7 Dvdv̄m lòng shèluqò we nvng kà èhú lòng nø vhúng íe. Gvray kaq mv̀ng svre nàpǿò.