Shvnsher Karu

Yohan3:16. Ang kaq kv́m vsvng kagǿ ínìgø màmvng nø dvciq lvpat gø̀nshaq lúnlv́m dvpvt, Angcè Lòngzàpè zí daqì høqshaq ni Gvray nø rvgaq tø̀m vsvng kaq shóngshie. Roma 6:3223 Kadø íe wani mvrà zìbè nø shìlòng íe; Gvray Ang jejú gønpaq mv̀ng nø, Kristu Yesu nøngmaq Vkàngpè vdòng taq lún we dvciq lvpat gø̀nshaq íe. Yoha14:6Yesuí ang svng, “Ngà nø tvrà nvng dìng lòng nvng gø̀nshaq ǿngàe. Ngà taqkèní wa mø̀í nìnø, Vpè yv́ng svng kagǿí gø dí mvlú:nò. Nvlat 2:7Wekvt Gvray Yehowaí, vba dvtø̀l kèní vsvng shvzōò* nø, gø̀nshaq cúnshìlv́m shaq nø shvná taq vhē:ròe. Wekvt ang nø gø̀nshaq vdá we vsvng vngvt tiq gǿ í lú:ngì. Yoha 6:35 Wekvt Yesuí angmaq svng, “Ngà nø gø̀nshaq zidòng lòng ǿngàe. Ngà kaq di ra vsvng wegǿ nø kadvgvp gø svrí mvshì long; Ngà svng kv́m gǿ ang gø, dvciqciq mvbál long. Jermi29:11Yehowa wae. “Namaq dvpvt tv́n dvgáni vlǿmrà v̀llv́m, dvshà mvhøtlv́m mø̀í dø, namaq v́l lúnshìlv́m lòng lè Ngàí gvcvtnaì we svng shángshø̀nge, wvnge. Roma8:28Vrá, Gvray kaq shóngshì nø, A:ngí vjøn yà:ngà we gvcvtnøt svng cà:nò nø vgoshaq rì angmaq dvpvt nø, pv̀n vrv̀m í dv́ngte nø shvla we wa lví long dø Gvrayí bǿn dvzá:rò lòng svng nøngmaqí sháìe.t Filipi4:13Ngà svng shaq nònggùn dèkv́ng pè Ang taq kèní ngàí pà gø wá dv́ngòe.