Shvnsher Karu

Shvngun Zaywa bok 81:1,31

Nøngmaq nònggùn kùngà èíāì pè Gvray kaq, dvbù weí zàywà èwànø̀ng. Yaku dvcì nøngmaq Gvray dvpvt dvbù nø:tní nàhaqshìnøng. Esaya 33:2 Yehowaé, nøngmaq svng dvshá èzashà. Nøngmaq nø Nà svng vlǿmshàì nø cāìe. Nà nø sháng vrv̀m nøngmaqò nònggùn kùngà èwáshì daq; dvshà mvhø:tnì rvtø̀ taq gø nøngmaq svng shvlutshú èwáshì daq.

1korintu 1:18

Kadø íe wani, vmvng rì dvpvt wurgang tø̀ng mvshǿl nø angdál kà dø vshv́me. Inìgø chutchv́ng we vlúnshaq rì nøngmaq dvpvt nø Gvray Ang jór nònggùn èíāìe. Marko10:52

Wervtnø̀ Yesuí ang svng, “Elo nà kv́mnø:tní nà svng dèzǿm bǿì,” a:lòe. Wela:ngí wepè vneí wà vtán yv̀ng lú:ngà nø, tvrà yvnggùng Yesu mèpvng cv̀n bǿà. Bungám15:13

Nàí èchv́ng bǿà we bashàrì svng nø, Nà mvkok dvdínø:tní èshø:lòe. Nà shànshér we v́lrà yv́ng svng Nà jórnònggùn èkv́ng lù:ngí angmaq svng èshø:lòe.

Mati 21:21

Yesuí angmaq svng a:lò we nø, “Ngàí namaq svng v̄la:tnìni, namaq kv́mnøt èv̀lnøng sórí, nøt mèdètiqshìnø̀ng kvt kèní nø nv̀mgwè tø̀ng svng wv̀ng bǿngà long namaqí gø wá èlúnnøng mvdv̀m mvtaq, yamvrùl svng, ‘Nàcílshì nø tìnúng svng dègupshivm,’ èv̄lnøng nìgø, wedøni í longe. Dvciq gun 16:9 Kadø íe wani Yehowa svng kǿng vtøp shaqkv́mshìrì kaq nònggùn v̄l dø dvbvnglv́m dvpvt, Yehowa Ang vne nø rvgaq dv́myàng shvngbe svng vrāngshìe. Nàí yadø èwàò lòng nø dál we bv̀nlì èwà bǿà we íe. Jø̀ngjǿng akvt kèní nàí nø cìl vshvtlv́m nàhǿm lú:ngòe,” a:lòe.