Shvnsher Karu

Shvngun Zaywa Bok 18:2
Yehowa nø ngà lóngdø̀ng; ngà cìldv̀ng nvng ngà svng shvlutshú pè èǿngange. Ngà Gvray nø ngà máshìrà lóngbuq gø; ngà dvgà nvng ngà gø̀nshaq shvlut rø̀ng gø Ngà dvkøqshìrà zunzvng gø èǿngange. 
2Samuel 22:40
Cìlwàng dvpvt Nàí ngà svng jórnònggù:ní juqnv́m ènv́māng bǿngà nø; ngà svng pō vtúshú būng lú:ngìrì svng Nàí ngà lv̀ngpvngø kǿng vkup dèzá:ròe. 41 Ngà svng ngv̀nshà wáshìrì nø, ngà kaq dø̀mkùng poshì nø Nàí vt dèzá:ròe. Wervt ngà svng shvngōshìrì svng ngàí dvkoq rvt bǿngà. g
Roma15:13
Vlǿm rà zi pè Gvrayí kv́mnøt taq kèní dvbùlv́m, mòngzø̀llv́m shvngbe nvng Shànshér Pvlàcè nònggùn kèní nàmaq svng vlǿm rà dv̀n leq dèzǿnga daqnø̀ng.
Nvmlat nvmpvng22:1-3
Yadv́ngpv̀n mèpvng, Gvrayí Abraham svng vløtlv́m wā nø, “Abrahamá,” wā gōòe. A:ngí, “Ngà yayv́ng v̄le,” a:lòe. a
 Wekvt Gvrayí, “Akvt nà èshóngshì we nvcè pè, nvcè lòngzà pè Isak èshø:lò sórí, Moria rvgaq svng èngāngv̄m. Ngàí nà svng dvtān dak we mvrùl tiq mvrùl taq, ang svng wv́r núngpà èwàò nø shèrúng lú:ngò,” a:lòe.bi 3 Wervtnø̀ sháng mvgágá Abraham kungshì nø, lozèdvcheq ríkop dvcø:pmò nø, angò gùchàngré vní pè nvng angcè pè Isak kaq shø:lò nø; wv́r núngpà dvpvt kām vcø:tnò dá:ngí, Gvrayí ang svng dvtúò rvgaq svng búngá:mì.

Add new comment

14 + 2 =