Svngdál rìò laqyà

Svngdál rìò laqyà

Zàywà mvdò shø̄lshú dvpvt Dawi Shvgùn Zàywà

Svngdál nø ang nøt taq, “Gvray màvl,” wae. Werì nø vmàn gvyaqshìá:mì nø nǿmtuqtuq màdu màbóng we wàò nø, shvla dø wàò we tiq gǿ gø màvl. Cíngrà:lò vsvng tiq gǿgǿ dv́ng v̄l má, Gvray kaq lá vsvng tiq gǿgǿ dv́ng vl má, wa nø yv̀nglv́m rvt, Yehowaí nø muqlàng kèní pv̄ngtø̀m cèrì kaq dvjaqòe.  Angmaq shvngbe dvkaqshì á:mì nø, dvcháchá pàchǿng gø màvl we íá:mì. Shvla dø wàò we nø kagǿ gø màvl, tiq gǿcè gø màvl. Zidòng á:mò padø Ngà bashà rì svng á:mò nø, Yehowa svng nø màláshaq, mvgv̄m we wàòrì shvngbe nø mvnv̀nni cūlshi mvtá we í ma?  Inìgø werì nø nøt caqvmvng svre lú:ngì. Pàwálv́m wani døngman mvril cèrì taq nø, Gvray ni vbáe. Dvsháchārì angmaq vrāshì we svng nø, namaqí shvraqchaq mèyǿnøng nìgø, angmaq máshìrà nø Yehowa taqni wáshì lú:nòe. Ngàé, Israel cèrì svng chutchv́ng we jejú nø, Zion kèní bung long nìnø shvla we! Vgùngv́m yà:ngà we Ang bashà rì svng Yehowaí shøtshú yv́ng svng dvtv̀nga:tnò dvgvp nø, Yaku dvcì cèrì dvbù longe. Israel cèrì shaqshaq wa longe.g