Vrá, shóngnøt nvng bv̀nlì shvlá rì taq tasv̀ng tàle nònggùn vzíkélv́m, tiq gǿ nø tiq gǿ dvshatkéì.

Hebru 10:24-25
Vrá, shóngnøt nvng bv̀nlì shvlá rì taq tasv̀ng tàle nònggùn vzíkélv́m, tiq gǿ nø tiq gǿ dvshatkéì.
25 Vsvng tiqmaq wáshì dø, nøngmaq dvkǿmshàì tvrà nø laq mvna:rì. Kàngpè Angnī welòng tuq yúl mv̄nshì we svng namaqí èshánøng rvtnø téwa yadø nònggùn nàzíkénøng.

Shvnvn zaywa

Roqshú pè nø Yehowaí we

Dawi Shvgùn Zàywà

1 Yehowa nø ngà kaq roqshú pè í rvt, ngà nø pàí gø mvdv̀ng lōng. a

2 Mvshø̀ng we shø̄nriqtø̀m taq A:ngí ngà svng bǿm dèzv́re. Zø̀l we tì shvnvngnvng A:ngí ngà svng èshø̄le. b

3 Ngà dòngnøt svng A:ngí nàshv́rānge. Ang bø̀ng dvpvt A:ngí ngà svng døngman tvrà taq èshø̄le.c

4 Shì bàngzì vkūng taq ngà léshì vdōngnø̀ng gø, Nà nø ngà nvng tvp èv̄l rvt, ngà nø dvlá ra pv̀n kapà svng gø màsvrēng. Nà øp dvrv̀ng nvng Nà tv̀ngngúlí, ngà svng nøt shèlø̀màe.

5 Ngàò ngv̀nshàrì mv́rdv̀ngø, Nàí ngà dvpvt v́mshvbóy dègǿngāngàe. Ngà vgo taq Nàí yøtìí èmat bǿngà. Ngà gwìn gø dv̀n vlimá:mì. e

6 Nøt shvlánøt nvng mvrézanø:tní, ngà cúnshø̀ng we angni í dv́ngte taq, jø̀ngjǿng ngà svng ècv̀n longe. Wekvt ngà nø, Yehowa Ang chø̀m taq dvciq lvpat vl longe. 
Yohan 16:33

Ngàí namaq svng yadv́ng pv̀n dvtá bǿshà we nø, Ngà vdòng taq mòngzø̀l lòng namaqí lúnlv́m dvpvt íe. Rvgaq tø̀mø nø namaqí dvshà mvhøt lòng nàhǿm lóngnø̀nge. Inìgø shaqshaqwa èv̀lnøng, rvgaq svng Ngà jorv́mà,” a:lòe.