Vsháng júrøtkà

Vsháng júrøtkà

Absalom yv́ng kèní Dawi vtshì dvgvp wà yàng we Shvgùn Zàywà

 Yehowaé, ngà svng dvshá èlōngrì kadvngshì luq ráì! Ngà svng vtù vsvng mvme būng lú:ngì. Angmaqí ngà svng, “Ang svng Gvrayí màdvbv̄ng bǿà,” wae.

Iwe Yehowaé, Nà nø ngà gārshìlv́m dvgà èí nø, ngà svng shvringshú hángshú èíe. Ngà shaq mèí Yehowa svng vkøkke, Ang shànshér mvrùl kèní ngà svng nàtv́n dakngà.

 Ngà nø yøpmv́mànøng gø, Yehowaí ngà svng tu èbùm rvtnø, pàmvrà vshat lóngà.  Ngà svng vtùlv́m rvt vsvng angmùn ngà gùrhøm dvtǿngshì nìgø ngà màsvreng.

Ngà Gvray Yehowaé, èbúng; ngà svng shèlutnà! Ngà ngv̀nshàrì svng mvwā nàpaqò nø, vsvng mvgv́mrì angmaq shà hō èrǿlaò. Gø̀nshaq shvlut lòng nø Yehowaò íe. Nà shvmánkà nø nà bashàrì mvdv̀m laq vl.