Yesu àngmè Mariq àngnvmè Elizabeth vl yáng svng dì:ám mì

Yesu àngmè Mariq àngnvmè Elizabeth vl yáng svng dì:ám mì nø dvzøm shì we boyàngni Yaboy nø chømyo vjøng vjøng mariqí àngnvmè Elizabeth vlyáng svng vce:ámì nø nvngòn zíò we dvng svng tvnùngò we bóy íe.

Muqlàng dvzvŕ Gabriel taqkèní Mariq svng nvnvmè Elizabeth taq gôngshvng mø:í yámì wanø tvtá:vtnà we chàng kungshìnø Mari búng nø, Yuda rvgaq shigùng móng tiq mvrìng svng cancan dìá:mì.

Zakaria chø̀m svng ang gòngá:mì nø, Elizabet svng pàmvrà a:lò nø dvhø̄mshìe. Mari pàmvrà wa kà svng Elizabetní tá bǿà chàng, ang góng taq cv̀mré gǿ chóngshì lú:ngì nø, Elizabet gø Shànshér Pvlàcèí dv̀nzø̀ng taqsórí, shaqmèí shø̀n we nø, “Svmarérì í dv́ngte dvhø̀ taq nàí nø ìshøt ìgv̀n èlú:nòe.

Nà góng taq vl we cv̀mré cèí gø ìshøt ìgv̀n lú:nòe. Ngà Vkàngpè angmè ngà yv́ng svng tùng di høq nø, kadø í nø yadø nàpǿngvtnà ma? Ku, nà pamvra èwā kà ngàí tángò chàng, ngà góng taq v̄l we cv̀mré nø dvbùnø:tní chóngshì lú:ngì. Vkàngpèí ang svng shø̀n daqà kàrì shvngbe nø vhø̄m longe, wa nø kv́m we svmaré yamèí mv̀ng ìshøt ìgv̀n lú:nòe,” wae.

Mari nø, Elizabet nvng vshø̀m shvlá dv́ngte vl dá:ngí ang chø̀m svng loá:mì. Mvdàm kaq tálún bøshà we chyømciqrì nø dèni taq wáshì we Gvray àngmè Mari nvng Elizabeth àngníò shóngnøt tvtvn kenø tvsvng tùbum nvngòn zike lòng svng yàngì ee í vdèò lvpvt taqgø we døí we shóngnønt mvkok nøntrì vl lún lvm dvshat we íe.