Zàywà mvdò shø̄lshú dvpvt Dawi Shvgùn Zàywà

Dvshà dvgvp dvbvnglv́m vjúrøtkà

Zàywà mvdò shø̄lshú dvpvt Dawi Shvgùn Zàywà

Yehowaé, Nàí ngà svng kadvgvp høq vnálv́m í ma? Tiq dvciq í ma? Nà mv́r ngà yv́ng kèní kadvgvp høq èmáshìni ma? Ngà nøt vdòng taq pòni nøt dvshàng sórí, ngà nø ngà dòngnøt taq kadvgvp høq vyáshì rànge ma? Ngv̀nshàrì nø ngà mvdv̀m taq kadvgvp høq mvzv́nlv́m í ma? Yehowa ngà Gvrayá, èyv̀ngà nø nàtv́n dakngà. Shidòngjø̄m taq ngà mvyøplv́m dvpvt ngà vne dègv́r dakngà. 

Mø̀íni ngà svng ngv̀nshà wáshì gǿ nø, “Ngàí ang svng dv́ngkeng bǿngà,” c wa lōng we màshá. Ngà vdv̀n long dvgvp gø ngà svng vtúshúrì dvbù long we màshá. Ngà mv̀ng nø Nà mvkok dvdínøt svng vlǿmshø̀ng bǿngà. Nàí gø̀nshaq shvlut we taq ngà dvbùlv́m íe. Yehowa Ang shvmán jejú nø ngà mvdv̀m luq pǿng rvtnø, Ang svng shvring shvtà zàywà wàlv́m íe.