Zàywà mvdò shø̄lshú dvpvt Gitit shaq nvng shvrá nø wàlv́m, Dawi Shvtà Zàywà

Zàywà mvdò shø̄lshú dvpvt Gitit shaq nvng shvrá nø wàlv́m, Dawi Shvtà Zàywà

Yehowa nøngmaq Vkàng pèá, Nàò pòngbàng nø móng døngtáng taq kadvngshìni ngø̀r ráì! Muqlàng taqlapmø gø Nàò ngø̀r pòngbàng dèta:nòe. Nà svng vtú vgámshúrì rvtnø gø, Nà svng ngv̀nshà wáshìrì nvng tvlē teq mvyǿrì svng nārlvm dvpvt gø, cv̀mrérì nvng rvlìcèrì nònggøp taqkèní Nà nø nà dvpvt nònggùn kùngà kà* dèzø̄ngshì bǿì. Nà wurhàmí èwà yà:ngà we laqmù, Nà muqlàngrì, Nà kàí shèdøng yà:ngà we shvlá nvng kurnip werì kaq ngàí dvdv̄mò dvgvp, Nàí dvdv̄mālv́m dø vsvng nø kapà íe ma? Nàí nøtnālv́m dø sv́ngzàcè nø kapà íshàe ma?

Ang svng nø Gvray lv̀ngpvng tiq hvn vcip dø Nàí tiq rvtø̀cè v́l dèzá:rò dá:ngí, Ngø̀r pòngbàng nvng vpǿ shvrīng weí koqkv́m vmō dø ang svng shèmōò nø, Nà wur laqmùrì mvdv̀m taq ang svng ni øp dvzv́rlv́m metū yà:ngà. Nàí nø vl dv́ngte shvngbe,vyv̀ng nvng nungwàrì shvngbe, zømwàng vsharì shvngbe gø; vlāng cārì nvng nvmukdvra taq v̄l we ngārì gø, nvmukdvra tvràri taq léshì we í dv́ngte gø, Ang hí lv̀ngpvngø A:ngí øp dèzv́r yà:ngà.Yehowa nøngmaq Vkàng pèá, Móng dø̄ngtáng taq Nà bø̀ng nø kadvngshìni pòngbàng ngø̀r ráì!