Àngdèò lvpat taq shvring shì lvm màpøwe tvràrì

Àngdèò lvpat taq shvring shì lvm màpøwe tvràrì
 
Àngdè lvpat taq àngdè kaq vjú mvziwe bvnlì shicèrì dvpat rvtø yanggúng nøt dvbum shìwe mèwani.

Dvsháza shóngnøt mvvl vsvngrì kaq  shvmná nøt, mvgørnøtí vtángshì nø àngdèò nøt svng dvsorshì lvm nø màpø we íe.
 
Àngdèò nøt svng cvnnø lvpat taq byo byocè vllún we ínìgø nøt tønshì lvm tvra íwe la ínìnø welòng nø kadøgø dvráwe mø:í.
 
Mvkrøm nvdøprì vlwe ínìgø jøng jøng taq nøt tøng nøt døngwe mvvl nìnø àngdèò cúnshì we lvpat nø vshøng màshøngni ílonge.
 
 Àngdè kaq àngkvt àngkvt zá dvzvŕ we vsvng tiqgø kaq yilshì mèlúnò we ínìnø we àngdèò dammárì nø vshøng màshøng ni ívme 
 
 Àngdèò dvpø svng mvsíng sháò vsvng kaq vrvmshì lvm nø màpø we tvrà íe.
 
Àngdèò shvlawe dangrì svngwa shóngwám shìnø kù:ngà vnønwe dangrì kaq mà vtoā vsvng kaq shóngnøt zíshì lvm nø màpø long.
 
Àngdè lvp taqkèní wa cipshì ràwe yáng kèní wa we vzøm vzap tvrà ngàngdøng lvm íwe la ínìnø welòng taq nøt mèløp shìni.
 
Àngdè taqkèní wa vtoqshì rànø àng taqkèní pàti mvlan rawe vsngrì kaq vpø shvring lvm màpø long.
 
Ngàí yadø wà:ngò nø yadø shøn:ò rat tiqdá vsvng kaq kadø zá dvzvŕ bøò má wanø  dvdam mvsháò àng tiqgø mòngzøl lvm tvrà svng wa dvdamshì vsvng kaq vpø shvring lvm màpølong.

Tiq pvn pvn svng vrá lúnlvm dvpat wanø dvdamshì nøtí mø:í dø dánglún dángte dvbangā we laqyà vl vsvng kaq gàm shvlawe gømpaqí vrá dvbang lú:ngòe.
 
Ínìgø àngdè lvpat taq síngshá ràwe nø shóngnøt gvzà zíshì lvm màpøwe vsvng tiq maq vle walong íe.

Gvzà shvngøt dvtú lvmmàpø we vsvng tiqmaq vl longe.

Dvsháza shóngnøt gvzà gvlshì lvm màpø we vsvng tiqmaq vl longe.

Yadø àngdèò shvla we dangrì zíshì lvm màpøwe vsvng tiqmaq vl we svng shvdøm we íe.