Àngdè góng àngdè shóngshìwe

Àngdè góng àngdè shóngshìwe

     Shóngnøt walòng svng lvjøm àngpvn pvní vtànòwe svng yánglúnshìe. Zìlàngré vnvmchvngrì taqgø àngdè góng àngdè shóngshìwe nø àngdè shagóng svng shiqshàn dvzvŕ we, vhømshì rawe bvnchvtrì svng mvngan lúnshì longe, téwa zitnøt vl vsvng tigø svng bøn dvzvŕ lúnò we íe. Àngdè góng àngdè kámnøt vlwe vsvng tiqgø bønlún we mvtaq tiqdá vsvng kaq gø síngsháā lún lú:ngòe. Àngdè lvpat svng vháng vlúndø wálúnlvm kùngà wawe nø àngdè tigóng svng kadángte shóngshì lúnwe taq cvnwe íe.

    Shóngnøt wawe nøtiqdá vsvngrìò vjú dvpat wáshì mvyø we shvrúng nøt íe wae. Wedø tiqdá vsvngò vjú dvpat cúnshìwe shóngnøt nø døngmanwe dvsháza shóngnøt íe. Weratnø àngdè góng àngdè shóngshìwe nø gvzàni vchyak we íe. Àngdè góng àngdè shóngshìe wawe nø àngdè góng svngwa shvringshì weí vsvngkaq dvsháng shìwe laqyà gvlshì lvm svng shøn mvyø mø:í. Àngdè tiqgóng svng shóngshìe wawenø àngdë tiqgóng svng wa vpø shvring shìwe nvng vchawe laqyàrì mvgvlshìlvm vchyak longe. Shøn mvyø we taq ànhdè góng àngdè kámshìwe nøt laqyà vllvm àngdè tiqgóng laqyàrì svng vtoshì sháòwe svng shøn mvyø we íe. Àngdè tiqgøò kùngà vnønwe dangrì svng vto shì, síngshá shìnø tiqdá vsvng kaq gø shóngnø vwánā lúnwe svng shøn mvyø we íe. Wedø íratnø àngdè tiqgóng svng mvshóng wámshì vsvngnø tiqdá vsvng kaq gø kadøgø shóngnøt gvlshì mvlún daqò.

  Àngdè góng svng àngdè mvshóng shìwe vsvng nø àngdè tiqgóng svng kám vlømshì we mvvl vsvng íe wae. Shóngshøngwe zìlàngré vnvmchvngrì àngdègóng àngdè shóngshìe wawe nø àngdè lvpat svng vrvngshìwe dang taq mvdøng vchyak we nvmlat danggvp íwerat mòngzølwe, nøtshøm lvm nvng byowe, lvpat jórnvngòn vllvm dvpat gvzàni vchyak we íe. Weratnø àngdègóng àngdè shóngshìwe taqkèní àngdèò lvpat rìsvng vháng vlún dø vrangshì lúnnì we mvtaq vsvng shvngbe dvpat mønzøl lòng svng zílún we làngré lvpat taq cúnshì laqlúnì wang dvtit dvle shvngkà yayáng naròe.