Angpè nvng Cvmré Goqnicè Shóngnøt Vdøn lvmdang Ang mvtú (2) tut

Angpè nvng Cvmré Goqnicè Shóngnøt Vdøn lvmdang Ang mvtú (2) tut

Nøngmaqí Nivrvm wará we bvnlì rì taq dvzøm dvbvng ràe. Cvmré rìsvng tì zvr àwe  nø yòl we ínìgø Nivrvm dvzøm we dang nø angpè nvng angcì dvhø

vrvm vrá lvm té vl dvzvr we íe. Cvmré rìnø tì shør shìwe rvtø rìtaq angpè maq tuqlvm svng gvza nønt vløm shìwe ínø angpè nvng manshì nø gvsøp mvyø

we íe. Vhø shìwe mvr shøm kèní mvkún kún dvtvn mvyø we íe.

Vrá Shòngshøng we døngku pèmaqe nøngmaq Cvmré Goqnicè rì nvng nēí vyvng kènø vhø shìnø dvtvn lvm vchvk we íe. 

Cvmrerì svng legà rø dvtvn we gø vchvke. Cvmré rìnø àngmèò poqwá vdúng vlwe dvgvp kèní angpè àngmè níò kà rìsvng cvn shìlvm nøntlúm we íe.

Nøngmaq angpè rìí nø nønt byò we rvtø dørùm shvnì mvyup ke mvshør rì shønā lvm vchvk mvdøng nø magazine rì legà rìrø Shv:ngøt dvtvn ràe. Cvmré

rìnø pèmè maqò kà dáò weí dvbu we íe. Wedø íwe rvtø taq cvmré nvng angpè dvhø vtoqvtip wenø shóngnøt dvtvn we íe. 

Cvmré rìsvng bunlvm wàì. Cvmré rìsvng vkvt kvt vbunò wenø shóngnøt té loq we íe. Cvmré rì shvnvng taq rvtø vrvm v'lnà ràe. Wedø mví nìnø Cvmré

tiqpvn pvn bønvm kē nønt dvshà lvm vhøm shì lù:ngè.  

Nøngmaq angpè rìnø shønggan bvnlì taq dìke, chøm svng tuq rakè cvmré rìsvng pà mvrà wá ràe. Bvnlì wá da:ngí chøm vrá tuq ra dvgvp dvbù mørshvm

dvtvn shìnø bònna ràe. Wedø nabònò ke gvza  mvjòr lòng nø saqwa bà:nvm nø vmv:ngàmè.

Vrá nø Shòngshøng we døngkūpè maq àngmèò poqwá vdúng rvm vlwe rvtø taq kèní kà shø'n ràe; wanø paqzí vdèrìí shønò we íe. Nøngmaò cvmré

Goqnicè rìnø àngmèò poqwá vdùng taq vlwe (15) shvlà kèní àngmèò Kã nvng nvrøm vchúng shìwe svng si:ngòe wàe. Wervt nø angmaq vsvng tiqgø'

íwe svng dvtvn we íe. 

Àngmèò poqwá vdúng taq vlwe (23) lebán kèní cvmré Goqnicè rìnø shønggan kèní vsvng rì nvng dvgá pvn kà ang shaq rìsvng tá lúnòe. Wervt nø nøngmaq

døngkùpèla àngmèò poqwá shvnvng taq vlnø kà shø'nā ràe. Wedø àngmèò poqwá vdùng rv'm vlwe rvtø kèní shøq bøà mèpvng té lú:ngí høq kà shø'n legún

mvdaq we íe. We rvtnø Shòngshøng we pèmè maqò kànø cvmrérì nvng màvsvr lvm àng mvtú ívm we nvng nønt mvbyò lvm rìsvng shvyómā ràwe írvt nøngmaq

døngkù pèla shvngbe nø nøngmaq angcø'angcè rì nvng dvp wá vrvm vrá weí cvmré rì svng angpè maqò mòngzøl we lúnlvm dvpvt mvkoq dvdì lvm waì.