Cømsaq møngzøl we mònggvn svng vrang shàì.

Cømsaq møngzøl we mònggvn svng vrang shàì.

   St. Mother Teresa shøn yàngì we taq mònggvn mòngzølnø cømsaq mòngzøl lvm dvpat nø àngdè chøm døngku vsvngrì kaq vzang døngmvn we shóngnøt svng dètanò wanø vtàn yàngà. Vsvngrì taq cømsaq mòngzøl lòng vllvm wawe nø tiqchøm vsvngrì taq svng vpø shvring kenø shóngnøt dvtan keweí tiqdál gùr gùr rvnvngrì nvng gø shóngnøí vzøm lúnwe ínø wedø vsvng shvngbe nø shóngnøt vwánā kewe íwa bøn lúnòe. Nøngmaq vdòng taq tiqchøm rap vsvngrì, àngpèní àngmè vzi vrùng wawe, àngcø àngcèrì nøt màráwe chøm døngkurì gvzà vlìe. Kadángte vdá mvgàmwe døngku vdòng ínìgø shóngnøtí shvzøng dál:ò we døngku mø:í tasvng shvnip shvnvr we vtù kèwe ínìnø àngcø àngcèrì taqgø tasvng shóngnøt vzømlvm svng má mvlún lú:ngò. Wedø pø gvsùngrì taqwa zømshìnø døngku vdòng shóngnøt zíshì mvlúnò we tiqchøm rvp nø àngò shvnvng gùr gùr svng gø kadøgø shóngnøtí vzøm mvlúnvtnò we rat we shvnvng gùr gùr rìtaq kèní gø àngmaq nvng vtoq vtip we tvrà taq nøt cømsaq lvm lòng mv vl long.

    Weratnø vpøìwe vnvmchvngrì nøngmaqò chøm døngku vrvm mòngzøl we taqkèní mònggvn svng cømsaq mòngzøl dø shvnvp lúnlvm wawe taq nøngmaq chømdøngku vsvngrì shvngbe taq bvnlì døngjá vlwe íratnø tasvng shóngnøt dvtan kewe, tvrà svng dvháng dvzaq shàì sórí dvzaq dvkáng shàì wawe dvtit tvle svngkà yayáng naròe.