Chøm taq cvmrérì svng Game wawe pvn gvsøp mvnshì dvzvrrì

Chøm taq cvmrérì svng Game wawe pvn gvsøp mvnshì dvzvrrì

Shóng shøngwe pè,mè vnvm vchvngmaq é, dèni nø chøm taq cvmrérì kaqsvng game wawe pvn svng pè,mè maq nvng

tiqdø gvsøp nø mvnshi dvzvr wenø zvn dvtut bvnli tiqpvn pvn wàlvm rvtø taq dvdvm shálvm shvngøt dvtú lvm rat íe.

Tuqra we rvtø taq cvmrérì tè daq ke shvla we bvnli wára døni vdè nø vdèò góng svng vnat shìnø dvgá vsvngrì svng

vpø' we svng dvdvm shálvm, zà vsvng rì, dvshà we vsvng rì kaq dvshá zànø dvbvng shálvm shvngøt ràe. Yadø

pè,mè maq nvng tiqdø gvsøp nø mvnshìwe cvmrérì nø mepvng télú:ngì kvt paqzí dang taq ínigø paqzí shà nø

vháng lùng we íe.
  
 

Game gvsøp mvnshilvm wawe nø jvng laqyà nvng lvpat svng gvyaq dvzvr we Game svng mvn dvzvr we nø mví.

Cvmrérì dvpat vjú vlnø paqzí dang taq vháng dvzvr we lega vrū, lega nvng sing we mvn shilvm pvn svng shøn

mvyø' we íe. Kà shvdún zùng lùnglvm ídaq ke kédan svng kadø ku zømlvm láng lvm svng mvnshì nø shvngøt

we svng shøn mvyø' we íe. Shaqré shaqtvng rìsvng vpø'shálvm, pè,mè nvng tiqdø gvsøp we dang kèní

pè,mèníò shóng nønt svng angmaqò gomø'cì nvng nønt mvsøn nvrøm taq tuq nø dvdvm weí cømsaq

mòngzøl we nøntshøm dvbù lvm lúnòe.
 
Wervt nø cvmrérì svng chøm yvng pè,mè maq nvng tiqdø rvtø lúnshì nø gvsøp we mvnshìwe wá ràe. Wedø

gvsøp we mvnshì wenø angmaqò vgo mø'cì téshvlae. Pè,mè maqé yadø mvnshì we dang taq angmaq dvpat

vjú mv-vl mvnshì we dang svng nø mvnshì madvzvr ìnø vgám lvm dvpat dvzaq shàì. Angmaq dvpat jøng

jø'ng ni vjú vlwe mvnshì lvm pvn svng gvsøp dvzvr ìnø, pè,mè maq svng vpø' shvring sháò we kàta nø

shóng nønt dvtvn sháò nø tuqra we rvtø taq vdè nø vdè gúng vpø' sháshì nø shvla we shvdang zvmì

cèrì ílvm dvpat tvrà shøl mvkok lvm dvzaq shàì.