Cvmrérì kaq svng kãdø dvgøm dvzøm dvté lvm ímà.

Monday, September 21, 2020
Cvmrérì kaq svng kãdø dvgøm dvzøm dvté lvm ímà.
2018,9,5, yaq taq Cvmrérìcè rì kaq svng dvgøm dvzøm dvté lvm dvng (parenting style) tvrà kaq svng dvtet dvlè lvm íe.
Angpè angmè maq í, cvmrérì kaq svng kàdø dvzøm dvté rà má?
        Kãyvng gø dí madvzvò we shvjàt mò wenø shvla èmá? Págø wá mvdvzvlò nø shvngshvng wàvl dvzvl lvm má? Gvzá mvkoq nìnø shvlà má? Kadø kù té dvzøm dvté lòng shvla má?
Nøng maqò túng laqyà dvng kaq gø, Cvmrérì svn døng we vlmá? Shaqré rìí Kadø cvndøng lvm dvpvt dvnòngò we vlé má?
Cvmrérì kaq svng we yvng mvdì nì, we lòng mvwà nì,mv-vm, mvaq nì, ka mvshøn nì, mvyvng nì, mvdvbvng nì,wanø vmíng, vkáng shvjat nò we mví má? Wedø í Cvmré nì nø nà shaqrérì mvl nìgø cerè nø págø wá mvshá daqò nìnø, shaqrérì ínø zìdvng shvlà lvm vháng lvm dvpvt dvzøm dvtéò ínìgø Cvmrérì dvpvt nø mvyà lvp tvrã kaq svng íshá shìè.
Wedø írvt shóngnøt taq kení vní lvp kaq svng vrám ràe. Angcø angcè rì dvng kení gø, shaqrérì ínø ngà svng vmíng vkáng nvng shøn we nø mví, ngà svng dvzøm dvté lvm dvpvt vgvm we ítárì wa dvdvm shá lvm shv:ngt ràè.
       Vmíng nvng vkoqvkáng íwa táò nø telóng ìwe Cvmrérì dvpvt nø shvl shú ílóng nìgø kãciq rvt mvshá daqò werì vlè. Vrá tiq pvn nø tvre tiq pvnpvn kaq svng mán lvm nøt yómlvm wa íe. Nøtshøm lvm lúnò we Cvmré nvng mvlúnò Cvmré kaq svng shvdún daq ke shá lún shìe.Màbóng we vlè. Tiq maq Shaqré rìnø Cvmrérì kaq mvnøq mvnaq dvdvmò nø (control) waò daq ke Cvmrérì shvraq shì sháò nø kayvng gø dí mvkvm shì we shøn mvkvm shì, nø vdè nø vdè mvrà vl bø:nga má wa nø vdè nø vdè gømnøt yóm nø págø wá mvshá daqò we cvmré ílònge.
We kvtnø shaqrérìí dvdvmò wegø cvmrérìí dvdvmò wegø vrvm lvm nø vchvt we íe. Cvmrérìí nø dvdvm mvrøng nò wegø vlè. Wedø írvt shaqré rìnvng Cvmrérì dvhøtaq vtòq vtìp vrã shì wenø shvlá vtvng íe wàng nø dvtit dvle we kã vyvng nvlòe.
 
 
 

Add new comment

9 + 1 =

Quick Links