Cvmrérì taq tìdat vshúng wedang

Cvmrérì taq tìdat vshúng wedang

Cvmrérì taq tìdat vshúng wedang Shóngshøng we pèmè maq bvnlì shvlá wa wá lúnlvm dvpvt góngshiqshvn lvmnø vchvt we íe. góng vdòngtaq vkat shìwe zìdang (37”) celsius svng rvtø vrvm vgámã nà ràe. Góng vkat shì zìdang svng (hypothalamus) wawe vgo mvřcì vdòngrám ràwe vkat shìwe zìdvng kaqsvng vgvrã we íe. Góng vkat shìwe zìdvng vháng nìnø vgò mvřcì vdòng taq vkatshìwe zìdvng shvyómã lvm dvpvt ínø zawe tvrà ang pvn pvn ídvzvr lvm ílònge. Vshaq héshì lvwan we shapor vdòng taq shvwi shvlá wace dílúnò we nøngmaq vsvng vrvm nø góng vdòng rvm vkat shìwe kaqsvng shapor yáng kení tiq dvtvng shøn:gan lapsvng shvle shìwe íe.

Lvngchà nø zøngwe ràngtúng rvtø rìtaq nø mvdvm rám shøngnò welòng nøyùl we íe. Inìgø mvyù rvtø nø vkat shìwe nvng shøzaq we írvt vna yóga vlnø záyvng ziqyvng téwa lùqwe íe. Kagø nø vkatshì daqke welòng nvng singwe vnà yóga íshá shì daqmá? Cvmrécèrì nø shaqré rì mvdvm vkat shìwe zìdang vl rvt katshì wenvng sing we vna yóga téwa bønshá Shìwe íe. Ínìgø tìdat luqdø vlnìnø Cvmrécèrì gø shaqré rìdø katshì we zìdvng shvdún shì lúnò we íe. Cvmrécèrìò shagóng nø yúmwe írvt gong vkatshì lòng svng dvhà lvm ngúngùng we dvng taq cvm we íe. Cvmrécèrìí nø tì loqloq aqã ràe wasvng mvsháò wegø íe. Tìdat mvluq daqke bønshá shìwe mvrshàm rìnø 1, Nønggøp shúwe 2, Tì-aq mvyø we 3, Cizi dí mvluqwe 4, Necì màyø we 5, Nøtlúm wedang yúm we 6, Góng vkat shìwe 7, Vgo kewe 8, vgori we 9, Zøng we 10, Nvnggùn yúmwe ínø nøt dvshà lvm høq íshá shìlong e.