"Dèni zilàngré nvpní shølshú vgò".

"Dèni zilàngré nvpni shølshú vgò"

"Dèni zilàngré nvpni shølshú vgò" wa we kà mvlai vl dø tiq dvchà, mvdò tiqlòng,dvci tiqlòng,móngdvn tiqlòng vhang vlúnlvm tvrà taq zilàngréri nø gvzà vchvt we íè. Wervt móngdvn tiqlòngò vzvnglvp vhang vlúnlvm ga:mvgà svng dènilà zilàngréri i kapà waò e,kapà dvda:mo e ya dang svng yvngó nø paqzí sharií shønò we íè. Vsvng tiq gø vhang vlúnlvm tvrà taq mvdøng vchvt we nø nønt mvsøn íè.nøngmaq rvzvngcerí taq kèni, Gvray shú:ngshi nø shvrúng we gø nønt mvsøn Sher dø vnvplvm lòng svng shvrúngè.nøntmvsøn shvlá vdá gø wa vnvp nø ríngwe bvnlí shvlari wa walunò we íè. We dø tiqdvchà nønt mvsøn taq màshvla dø dvdvmò gø ínø màshvla we bvnlíri wa dvtvn lòngò è wa è. Wervt nøngmaq zílvngréri shvngbé nønt mvsøn vdòngø shvla we sherwe nøntmvsøn nvmlat tiqtaq gvlshi lúnlvm rvt gvzà vchvt we íè. Naò nønt mvsøn nvng naò sherwe nønt laqyàri svng dìngngvng dø shøpshi elúnò ninø na ì e waò we bvnlíri shvngbè nø vjú vlri wa ílòng nø Na dvpvt,shvngømré dvpvt,dvcí dvgøng dvpvt,móngdvn dvpvt vjù vl nø ríngwe bvnlírí wa í lòngè. mvsher we nønt laqyàzà:ngshi gø mvngnø vdè dvpvt gø,kagø dvpvt gø vjú màvl.Ya dāng svng dvdvm nø nà,ngà nøngmaq zílvngréri dvdvm Shi shvla è. Mvdam taq shønshibøì we (2) pvn taq kalòng yvng vbá i mà? (1)Shvla lòng yvng vbáiní nø téwashvla dø dvzaq Shi laqlúnì. (2)màshvla lòng yvng vbá íní nø rvtø vl dvgvp shvla we,Sher we nønt laqyà vl lúnlvm dvzaq shi laq lunì.làdvng (2)pvn taq vbá íní nø shvlà dàng taq nønt pèqrvt shà ínø dvzaq sha ì. We dø møí nínø dèní vlu zømpuq taq (10,000)lvp èza:ngò nø nvpní vlù zømpùq kèní(100,000) lvp kø nø lùshi gø nvng vbòngè wa è.shøn mvyø we taq svngani nàí vlù zømpuq yvng kømsòng(10,000)lvp èza:ngò we jèjú vtòshi melúnò mvdvm Vlù zømpuq kèní vlù(100,000) ekøbøà we mvrà vcàqa:mi lòng svng dvdvm dvzvrè. Hkristu taq shòngshøng we zílvngrériè tiq lvpat taq tiqkvt wa lúnshì we zílvngré lvpat svng vjú vl dø nà dvpvt gø,døngku dvpvt gø,shvngømré dvpvt gø, dvcí dvgøng dvpvt gø rìng dø dvzaq shi, a:png shi laqlúnì. Wekvt wa nà,ngà shvngbé nø, vsvng mvrdvng taq gø,Gvray mvrdvng taq gø vpø nø rìng we shvmvn jéjù a:toshi lúnlvm élòngò è.