Deni nø Cvmrérì internet lang we svng dvtvn lvm íe.

Deni nø Cvmrérì internet lang we svng dvtvn lvm íe.

Vsvk (4) nøng kèní (8) nøng dvhø rvm Cvmrérìí internet lá:ngò kvt vjú vle má? vjú màvl má? wawe dang taq kèní dvtit dvle mvyø:nge. Yanila rvtø taq 4-8 høq bøà we

Cvmrérì nvng lvngà cvrécèrì gø internet lvngwe svng yvng lún shie. Parvt nø vkvt dø lvngwe íèmá wanìnø døngmvn kømzøp we shvngkàrì, kám vrvm we àng mvtú láò

nø yáng mvyø rvtnø íe. Wervt nø lvng we zìdang té luq mvn shiwe íe.

 

Pàrvt ímá wanìnø shøn mvtøm shìwe àng mvtú svng lún shì rvtnø íe walòng svng shálún shìe. Cvmrérì dvpvtnø internet wawe gùnyet tiqdang (màínìnø) cvnshì lvm tiqdang

írvtnø mònggvn vrvm taq vlwe conpurter nvng vzøm rvt íe. Shaqrérì gø information cvnshì lúnò rvt lvngwe íe. Cvmrérì gø angmaqí mvsháò rì svng shá lúnò rvt, yáng mvyø

rì svng yáng lúnò rvt lv:ngò we íe.

 

Vkvt school work wawe zùng lvga rìtaq mūju zùngmang cèrì shvnvng taq Shaqrérì vlă nø legà wá dvzvrò kè wáshà we íe. Wervtnø internet kèní zùng legàrì cvnshì lúnò rvt

lvng mvnò nø shønggvn lvp kèní vdèò lvpvt vháng lvm dvpvt tvra rìsvng nøtlúm nø lvngwe íe. Wedø jòwe svng yang bøà rvtnø té nøt dvshà lvm vle. Vdèí màhøm shìwe rìsvng

yv:ngò nø nøtcvm lvm rì bøn daqe. Wervt nø cvmrérìí social media svng lvng mà-du we íe. Vsvk (8) nøng dvngte íwe cvmrérì svng àngpè àngmè maqí game mvn shiwe,

Email nvng online service dvngte svng wa rvtø Zí nø lvng dvzvr vduwe íe. Paqzí vháng lú:ngì rvtnø cvmrécèrìí lv:ngò rvt vjú vlwe dang nvng vjú mà-vl we shòní pvn

dang svng ídvzvr we íe. Internet message rì, e-mail rì, communication tiqgø nvng tiqgø vtoq-vtip we dang taq kèní vjú vlwe íe.

 

Wedø ínìgø Cyber bullying rì Deni nø Cvmrérì internet lang we svng dvtvn lvm íe. Wedø ínìgø Cyber bullying rì mvnøqla rvtø yvnggúng lvng bøò rvt lvgùn we cvmrérì ídvzvr nø

mvshvla we website rìsvng lvng bøà kvt nøtcvm lvm tiqpvn pvn svng yà:ngò rvt nøt mvbyò weí gvza vlé daqkè mvzet we cvmré tiqgø ílòng we íe. Internet angshvr lvng we rvtø

taqnø shaqrérìí nø lvng mvdaq wanìgø vkvt nø mà-vl mvdaq, mvlvng mvdaq lvngrà we internet íe wa vtò ìnø lá:ngì we lòng íe.

 

Cvmré tiqgø nø internet svng làng rvt nøtlúm lvm tvrà rì té vlwe íe. Angmaqò nøtsvng vháng dvzvr we íe. Bvnlì rìsvng chvkchvk wa lvm nvng kadø walvm kadø dvdvng lvm

wawe ang mvtú dvpvt vjú vlwe dang svng vpò sháòe. Paqzí paqrvt dang shvngbe dvpvt vjú vlwe ínìgø yapaqzí rìnø technology í, tiqlvp svng cøp nø, tiqlvp kaq vháng we vlsháò

nø rvtø yvnggúng la:ngò nìnø stress wawe nøt mvgvl we lún sháshìe. Go ză we,Ne zawe bøn shae. Ya paqzírì nø cvmré tiqgø dvpvt mònggvn vrvm taq kadø bønwe svng

tiqshaqí shálúne, téwa síngsháòe. Dvgá vsvngrì kaq vløm shàwe nøt vmvng nø vdè nø vdèò góng svng kám nøtzang we nvng paqzí shanø vháng vlún we cvmré tiqgø ídvzvr rae.

 

Wedø ínìgø (8) nøng rvm wa íwe cvmré tiqgø svng angwa internet lvng lvm shaqré rìí dvzvr mvdaq. Shaqrérìí øpkvng dvnù:ngò we mà-vl cvmré tiqgø dvpvt nø gvza svre dvké we vlē .

Wervt nø angwa láng dvzvr mvdaq. Shaqrérìí Shvla mvchà síng sháò dø dvrá nvng ang rvtø yà:ngă nø láng dvzvr lvm vchvk we íe wvng nø dvtit dvle mvyøngē. shvngbe mvdvm

Gvrày mòngzøl lòng laq tuqdaq shvngbe kaqsvng oqã.

Add new comment

17 + 3 =