Dvgøng Shvmán kà (8) dang

Dvgøng Shvmán kà (8) dang

Dvgøng Shvmán kà (8) dang Kàngpè Yesuí shvngøt we shvmán dvgøng kà (8) dang svng tiqmaq ínø cíngshá we ínìgø, tiqmaq ínø vná shì we vlmá mvshá, shvngbè tiqbaq lá cvnshìlvm wàì wangnø vrìngvtnìe. 1, Pvlacè dang mvshámhoq dvshà rìnø ìshøt ìgàn vle. Kadø íye wanì muqlàng móngdàn nø angmaqò íãòe. Wakà nø dvshà we vsvng vrvm nø dvgùng vlwe mví. Tiqmaq dvshà we vsvng rì gø ídøm shìwe nøt vle. Vdá mvgvm we vsvng rìgø mvhøt longe wá mvyø we mví. Gvmsùng vlnø vdá mvgam rì págø màvldø nøtcip shádúm ídúm shìwe nøt rì mvl, dvgá vsvng rì kaqsvng dvshá zà shá shìwe nøtrì vlrvt nø ìshùt ìgàn vle wa Yesuí shvmán kà íe. 2, Rvyù Rvyúng we vsvng rìnø ìshùt ìgvn vle; kadø íewanì angmaq nø nøt shvløm we lún lú:ngòe, wawekà nø yarvtø taq nøt rvyù rvyúng we vlnìgø tiq rvtø taqnø vmáng lvm íyè, necì vyøwe lòng nø byo vtang we necì ílòng we kaqsvng dúm shàìnø nøt shvløm we lúnlvm dvpvt súnshì ràe, wakà íe. 3, Nøt cipshì Vsvng rìnø ìshøt ìgvn vle, kãdø íe wani rvgvq nø angmaq vpat lònge, Wakà nø laqyà vnvp we, rvm nvng svng nøt zadø shøn mvsháò we, nøt køn nøtyang we vsvng rìnø dvgùng vlè. 4, Døngman longsvng mvrøt nø bál vsvngrì nø ìshøt ìgvn vle; kadø íe wani angmaq nø bál mvsøn shømlvm íe. Døngman dø kàshøn sháshì we, døngman we pvlàcè kaqsvng cvn we lòng svng gø dvgòng vle, wakà íe. 5, Vsvng kaq dvsházã sháò vsvng rìnø ìshøt ìgvn vle; kãdø íe wani angmaqí nø dvsházã we lún lú:ngòe. Dvgá vsvngrì kaqsvng dvshá zà nøt zang we, dvdamã sháò we kaqsvng dvgòng vle, vlò we íe. 6, Nøt mvngshèr vsvng rìnø ìshøt ìgvn vle; kãdø íe wànø angmaq nø Gvray kaq yáng lún lú:ngòe. Nøt dvgoq nøt mv-vl, map nøt mvzvng nø nøt mvshèr we vsvng rìíe wawe íe. 7, Vsvng shvrám sáò vsvng rinø ìshøt ìgvn vle; kadø íe wani angmaq svng nø Gvray angcèrì wa tø lú:ngòe. Mvjor ranì gø, rvtø dvbe shìnø tiqgø nvng tiqgø vrám vrá lvm dvzaq shiwe vsvng rinø dvgùng vlwe íe. 8, Ngà dvpvt rvt vsa:ngí namaq svng shèyǿmnø̀ng nø dvki nàrènøng taqsórí, namaq dang mvdìng we kà mvgv́m angpv̀npv̀n shø̀n rā we nàhǿmnøng dvgvp namaqí nø ìshøt ìgv̀n èlúnnø̀nge. Døngman we tvrà rvt kadang te kratsøm lvm vlnìnø mvdvrá we vlnìgø dvrá wedang kaq rip we vsvng rìnø dvgùng vlwe vsvng rì íe. Mt, 5: 3-12.