Jòr lvm dvng lún lvmdvpvt dvkáng shì we vsvng tiq gø ílvm dvkvng shì mvyø màJòr lvm dvng lún lvmdvpvt dvkáng shì we vsvng tiq gø ílvm dvkvng shì mvyø mà

Jòr lvm dvng lún lvmdvpvt dvkáng shì we vsvng tiq gø ílvm dvkvng shì mvyø mà

Jòr lvm dvng lún lvmdvpvt tàrá tiqdvng nø, kvtsúm we svng, kvtsúm mè wà nø, mè cèrè nì, zvngdvtùt lá nønt mecvm nì, we dø nì dvzaq shì ràe, dvzaq shì lvm rødø mvlúnò we kaqsvng mvnglè, cèrè ràe.

Ngà pàlám kvtsúm a:pmà? Tiqbàq lá dvdvmò ( အရှုံးထဲက အမြတ် ) kvtsúm we taq kē ní vmyvt jòr we svng lún ràe. Yàlòng nø nà, nvng ngá vzvng dvdut lún rà we jòr lvm dvpvt nø:gùn gù:ngà dvkvng shì lvm dvrá tiq dvng ínø, mèpvt tikvt vrá, màlé shì lvm dvbvng we dvrá tiq dvng lúnò we íe.

Rà tø rì svng mvsà nì, mvpnì gø wá lvm wà íe tiqlòng wà nø mvdvdvm nì, dènì nø mvpnì mvdvm dé wà vjú vl we svng esháò, vkvt zvngwa pò døp døp wà dvzàq shì ràe.

Vdè dèò kámnønt té wà vl lvmdvpvt kámnønt mvl we vsvng tiq gø nø pvnchvt rì vhøm shì daqkē pàrànà, mvlúnò wà nø nønt dòng taq vl bøì rvt, bvnchvt rì svng, pàràn vgálrà lvmdvpvt cèrè shá bøā íe, wàe.

Søpshì we nønt nø vháng dvng íe,wà kā nø tiqkvt kvt là mvjò, vdèò nønt vl mvpyò we weyvng søpshì we nønt vl nø shvlá wà dvzà shì nì gø nønt mvgøl we írvt nø, nà lvpvt vháng lvm dvng taq nàgvmà bøí rvtnø gvzá nønt mvbyo nønt Cvm we tārá rì dvng kēní sóm shá shì lvm àle, wvng nø dvshvt we kā, vyvng nvlòe.