Kà ta ràwe dang

Kà ta ràwe dang

Dènì nø cvn dvgøm ràwe kà vgò taq kèní dvmvn mvyøng wenø zùng màngcè tiqgø nø cvmwe rvtø taq Angpè angmè kà, Svrà/mè maqó kàtã rat yat we màvhømò. Wedø ínìgø (9) dán lùng we nøng taqnø Angpè angmè nvng svra/mè maqò kà mvtà we cvn dvgøm we gvza mv-vlámì. We nøng taq Svràrìí (9) dán svng shvlèãwe ínìgø (10) dán yvng nø ang lvpvtò vháng lvm kvtsúm bøìwe íe. Angpè angmè Svrà/mè maqó kàtã weí cvndvgøm ínìnø vkvt dø kvtsúm lvm nø mvlwe íe. Mèpvng wa angnø gvza nøt tønshìe. Wemèpvng angnø shaqré rì kàtà lvm Gvrày pèí tvrà dvtvnà bøà we íe. Wervt angnø nøtcvm we màvl, té nvngùn dvkáng shì dvzaq shìweí dindán rì lùngnø Shvla we jòwe bvnlì rìtaq dvzøm shì lvm wà íe. Welùng gø Gvràyí zìwe kømpaq írat Gvrày kaq Oqã wa ràe. Vdèò Angpè angmè maq Svrà/mè rìsvng gø Oqã wa shà ràe. Vrá nø tiqnì taq Gvràyí Yonaq svng kà shønòe. Gvràyí Yona svng “Ebúng, Ninewe wamà svng èdi; angmaqí mvgv̄m dø wàòrì Ngà mv́rdv̀ngø tuq lú:ngì. Wervtnø̀ angmaq svng vtùkà deshv̄ng bǿò” a:lòe. Iwe Yona nø, Yehowa mv́rdv̀ng kèní Tarshish svng vtshì bøìwe íe.

  Wekat Yona kayvng vlwe shálvm Gvràyí Nvmukdvra taq nvmbøng mvrùmè mut dvzá:ròe. Shø̀chø̀m dvzø̄mcèrì svre lú:ngì nø, kapvn rat Nvmbøng mvrùmè mut we svng angmaq tiq gǿ nø tiq gǿ vrùng we rvtø taq Yonaí nvmukdvra nvng vdàm rvgaq kaq pv́npè, muqlàng taq lap vl pè Gvray Yehowa kaq vpǿ svrēngò nø nokngò pè ngà ǿngàe,” wa nø vtánshìe. A:ngí angmaq svng a:lò we nø, “Ngà svng nvmukdvra svng èlāshà. Wekvt nvmukdvra nø nàmaq dvpvt zø̀lv̄me. Pawá wani nøngmaq mvdv̀mø yalòng mvrùmè mut we nø ngà rvtnø í we ngàí shángòe,” wae. Wekvt angmaqí Yona svng vbu:nò nø, nvmukdvra svng dvsvng bǿà nìnø, nvmukdvra vdvpshi nø dvcorshi lòng gø welv̄ng ni zø̀lá:mì. Wekvt Gvrayí Yona svng naqlv́m, ngākàng tiq gō dvzá:rò nø, Yona nø ngākàng wego puqwá vdòng taq vshø̀m ni vshø̀m yaq v̄le.

  Wekvt Yona nø ngākàng puqwá vdòngkèní ang Gvray kaq júrøtshie.Wekvt Yehowaí ngākàng we gō svng dvká:mò nø, a:ngí Yona svng nø vdàm pā pvyàa:tnà. Wekvt Yona búngá:mì nø, Yehowa dvkv́mkà vl dø tiqdvchá Ninewe svng dìá:mì. Wekvt angmaq vwv́ngshì we bv̀nlì svng Gvrayí yv̀ng bǿà kvt, A:ngí angmaq mvdv̀mø shùrlv́m dv́n bǿà we mvhøt vtv̄ng lòng gø Gvrayí chøtnā bǿà nø, mvwà bǿà. Wedø Yonaò kà ta we rat Gvray gø dvbù we íe. Yona nø Gvray kà ta we dø nøngmaq Cvmrérì gø Shaqrérì Svràrì kà svng tawe ínìnø Gvrày nø gvza dvbù we íe.