Kigvbà yvnggóng

Kigvbà yvnggóng

Kigvbà yvnggóng Tiq rvdø taq cvmrécè tiq gø gvZázà nø shìlvm dánshì høq írvt angpvlàcè nø muqlàng bángkā shvnvng vlwe piter yvng svng tùq á:mì. Piter nø cvmrévè svng kvzà ringpyo vtvng we kùngrán bóy yvng nø vmlvm aqlvm dvpvt shvl a:mà. Gvzá ringpyo vtàng we kùngrán bóy we yvng nø vmlvm aqlvm kànyúng kànyvng gvzá kømzùp dø vle. Íni gø we kùngrán bóy vdùng taq shángbeí cvnlvm hàng dvrá nø " òlí vm mvdaq " wà nø kīgvbà yvnggóng tiqgø tiq gøm zíòe. Cvnlvm hàng dvrá nø " òlí vm mvdaq " wa nø ki gvbá yvnggúng írvt vdèò nønggvp yvng svng vdèò kií vdè vm aq lvm mvbøn nì gø we yvng vlri shvng bè shù nø góng shàri shvng pè vnàpmè. Pà wá lvm wà nì angmaq nø vdèò nø:gvp, vdèò pvwá, vdè dvpvt wa-nø dvdvm shì we màvl, tiq gø nø tiq gø, taqsvng tvlè dvzøm dvbvng shì nø vl we svng yvng bøà nì gàzà mùngzvl poy we kùnrán bóy ínø vmlvm aqlvm kànyúng kànyvng gvzá nì køm dvrè íe. We màpvng vní yvng wà yvng shvlá bøà, Inì gø weyvng nø svmvq cè dálvm dø íwe we yvng vlwe vsvng rì shángbè sòng nø vm aq mvlúnò dø vl dáì. Pvwá lvm wà ninø a:gmaq nø " òlí gø vm mvdaq" kìri gø gvbà yv:gúng írvt vdè nø:gùp yvng gø mvrøng, tiq gø nvng tiq gø taqsvng tvlè dvzøm dvbàng shì we gø mvl a:gmaq nø vdèò nø:gúp, vdèò pàwá, vdèò dvpvt wà nønt shì dvdvm shì nø ídà rì wà nø yvng Ngòe. Wekvt cvmrécè nø gvzá nønt mvboy nøntdvt nø:gcvm n:pmì, wàe. Wekvt piter í nønt mvcvm nì, tò nàí èyvng n:pmà nàmlvt tiq kùngrán boy yvng vl rì nø mùqlàng móngdànò, móngdàn a:gcèri íe. Vní walòng kùngrán boy yvng vl we vsvng rì nø svmì móng sùpàng móngò vsvngrì íe. Wenvm lvt tiq kùngrán boy yvng vl we vsvng rì dø múqlàng móngdán høq mvyø nì nø rvgàq mvdvm taq èlò vm nø nàó chom vsvng rì nvng a:grì a:vyvng rìsvng mùqlàng móngdàn taq gvzà boy nø dvbù nøntshøm lvm vl we svng lún lvm dvpvt dvtá bøò vlò nø lo dvzvl a:pmà. Marko 4 : 17 Iwe angmaq nøt Ivdòng taq angrø̄ mvcaqshì rvt tiqlvngcè wa zá:nòe. Angmaq nø Gvray mòngkà rvt dvshà we, mø̀íni vrè we vhǿm lú:ngò kvt, zv̄ngwā lángshiv̄me.