Lèga èrøshì

Lèga èrøshì

Mònggvn svng vriq mvrà, lèga røwe taqkèní shvngbe svng shálúnshìe.

Paqzí shawe ínìgø lèga mèrøshìwe tiqgøò paqzí nø vshøng màshøng ni ívme.

Lèga røwe taqkèní àngdè tiq lvpat svng vlíng vpo lúnìe.

Lèga røwe yáng kèní rvwvlnøtrì, síngrálnøtrì lúnìe. Lèga røwenø mvkrøm nvdøprì svng lúnì we mvtaq nøt mvsøn svnggø vlíng vpo lúnòe.

Kàru, lèganø vsvngrìò rvmjà shvlá íe wawe dø tiqdvchá paqzí svnggø zílún we íe.

Kàru, dvzáng, mvkrøm nvdøprì nvng dvgá lègarì shvngbe nø røshì gø dvpat vjú ziwe wa íe. Weratnø lèga luq luq èrøò, nàò vgo mvrcì taq gálòng svng vtoshì èlún lúng:òe.

Màv:m èvl weí tiqni wa svrí èshì longe Lèga mèrø dvlwe ínìnø tiq lvpat svríshì lvm ílonge. Lèga røwe yáng kèní lúnshìwe kùngàí nà lvpat svng vháng dvzvŕ lúng:òe.

Døngmvn lòng nvng kàtawe nø lèga, kàru taq vlnø welòng taq zømshìnø dvtit tvle lvm gø èwàò.

Àngdè lvpat svng nø shøng bvn svng nvmpøn ziweí dvcún dvtéì wedøni we tvrà svng cvn èdøng:ò.

Àngdè mèpvng lvpat taq vdá mvgàm lvm dvpat lèga, kàrurì lá nàshøp shì. Shánøt vl vsvng tiqgø nø vháng zìdang tuqvm dvgvp dvsháza nøt gvlshì longe.

Kadø íwe lèga, kàru ínìgø rètøò nø èrøò. Lèga røwe taqkèní nà lvpat svng vlíng vpo dvzvŕe walòng svng èkám, chvpdap taq gø èwàò. Rvtønø lvpat ínø we rvtø nø pø gø íe. Ya 2 dang nø rvtø wa ínìgø vbóng wenø mø:í.

Add new comment

7 + 2 =