Màbóngwe kámnøt tvràrì vhøm nø mvngushì lvm shvlae má?

Màbóngwe kámnøt tvràrì vhøm nø mvngushì lvm shvlae má?
Màbòngwe kámnøt tvràrì vhøm nø mvngushì lvm dang wawe taq tiq mvdò nvng tiq mvdò rìnø àngdè kámwe tvrà, àngdè shvngømréò shvngøt dvtúwe doctrine rì mvdàmø yakwe bvnchvtrì vl sháshì longe.

Kámnøt tvràrì tasvng tvle kewe theological exchange walong taq jøng jøng ni bøn daq longe má? Mø:í ni we tvrà ku mø:ínø dvgá dang kèní wa dvmvn nø mvngushì we, vzøm we wá vdu emá walòng svng yàng lvm wàì.

Wedø vhømnø mvngushì we tvrà taq ngàò shvngømré, ngàò mvdò wa jòe warì bøn sháshì longe. Wedø tvsvng vzinglvm tvràrì gvzà vl sháshì we íratnø tiqmaq taq wedø íwe bvnlìrì svng mvngushì lvm nøt màrá we gø íe.

Kagø taq ínìgø àngdèò kámnøt tvrà shvkse wáshìnø jòe walong svng dvtan mvyø we wa ílonge.

Wedø vhømnø dvmàn we mvngushì we tvrà taq dvgá tiq mvdòò vnøn we dangrì svng cip lawe, vzi vrùng wawerì gø bøngshá lú:ngò wegø íe.

Wedø tiqgø nvng tiqgø, tiq mvdò nvng tiq mvdò vzi vrùng wawerì taqkèní nø nøt vrá lvm tvrà kadø gø lúnshì lvm nø mvvl long. Wedø íratnø yadangrì nvng singnø vhømnø mvngushì we, dvmvn tvrà wámàdu wanø gø lánsháì we gø vle.

Ínìgø yadø íwe bvnchvtrì mvbøn dø vyáshì nø wáshì lúnwe tvrà gø wedøni vl we íe. Yadø màbóng we tvràrì dvpat vhømnø dvmà:ne wawe nø tvsvng dvløt kewe mø:í walong svng nvmlat síngshá ràlonge. Wewa mvtaq tiqdá mvdò, shvngømré rìkaq cipla we nøt battuq gvlshì mvdaq.

Vdu vbóngwe tvrà taqkèní vhømnø dvmvn we taq vsvngrì í shønwe kàrì svng táā lúnwe, síngsháā mvyø we shèrwe nøt, dvdam nøt vlrà we íe. Wedang taqgø tiqdá vsvngrìí shønkà svng tiqsvng mvtang táā nø vto shìlvm, nøt vráā lvm svngwa wáshì dvzvŕ we mø:í walong svng gø síngshá dvzvŕ mvyø we íe.

Màbóng we kámnøt tvrà 2 lòng vhømnø dvmàn we tvrà taq àngdèò kámnøt dang taqkèní wa dvmvn we svng gø vyáshì rà longe. Dialogue of Life wawe àngdèò lvpat tvrà svng vtànwe shvkse wáshìwe taqkèní dvmvn nø pvngshì lvm bøn vdue wae. Nvmlat dvtàng taq yuqyànø shvlawe bvnlì taq kèní wá pvngshì lvm vchyak we íe.

Wedø tiqgø nvng tiqgø síngsháā kenø vrvm vrá welong kvt, àngdèò kámnøt tvrà rìnø kadø íwe dangrì shvng shvng wa síngsháshì bøwe kvt wa àng dvgá nvng kadø íwe tvrà, kámnøt dangrì màbóngnø vsvr we dang vhøm nø dvmvn vdu we íe.

Add new comment

4 + 10 =