Muqlàng móngdàng

Muqlàng móngdàngò byo vtàng we nvng shvlv nø yáng vmvp we svng esháò nï nø nønt shøm dvbù lvm íe. Marko. 9 : 2 - 5 Vchuq ni vleá:mì ke Yesu nø Piter, Yaku nvng Yohan shø:lò nø, vháng we shìgùng tiqyv́ng svng rvlv̀ngá:mì. Wekvt angmaq mv́rdv̀ngø Ang nø mv̀rshv̀m shø̀ngshang vmvtná:mì. a 3 Ang gwashi rì nø rvgaq mvdv̀m laqtun zá:lò we kagǿí gø wedv́ngte mùng dø zv́l mvsháò gvp shorshor wa vtvngshaq kvlàng lú:ngì. 4 Eliya nvng Moshi gø dvtánshì daqì nø Yesu nvng kà dvmv̀ne. 5 Wekvt Piter tv́ngshì nø Yesu svng, “Rabbiá, nøngmaq yayv́ng a:lì ninø shvlae. Nøngmaq svng shìyat vshø̀m lòng, Nà dvpvt tiq lòng, Moshi dvpvt tiq lòng, Eliya dvpvt tiq lòng wá dèzv́rshà,” a:lòe. Muqlàng móngdàn nø kadø íe, kadø bone wa svng kagø ínigø nøngmaqí shvnì mvsháe, høq gø shvnì mvhøqì. Wedø íni gø vchømciq svng cvnshike, yvngò ke muqlàng móngdàn dvrv dàng svng dàk sòn nò nø shøn lúnshìe. Yesu nø shìgùng yvng dvzvr rvmboq vshøm pè mvrdàm taq Ang nø mvrshvm shønghàng vmvtná: miò ke muqlàng móngdàn nø kvdáng tè pyò we, vmvp vtàng mòngzvl wesvng shà bøà mvpvng, dvbú sòqrí piter nø angpøng gø ng:t vnà shì høq ínø " Rabbia " vpè Gvrvyá nøngmaq yayvng a:li ninø shvlàe. Nøngmaq svng shìyat vshøm lòng, Nà dvpvt tiq lòng, Moshi dvpvt tiq lòng, Elia dvpvt tiq lòng wá dvzvrshà vlò e. " Ngà dvpvt tiq lòng, Yaku nvng Yohan dvpvt tiq lòng" wa nø mvshøn yvng ngà. Yàdvng svng yvng ngò weí Piter nø muqlàng mvdàmò mòngzvl we lòng svng yvng bøò ke ang dvpvt nø vnà shì høq, ang vdá mvgàm lvm, mvdvdvm mò nø dvgá vsvng rìò shvlà lvm dvpvt wa dvdvm bøa, wae.