,Nà kàgø íe?

,Nà kàgø íe?

 

Vsvng pvn vrvm nø dvgá vsvng kà dø íe, vshámè, vzømè má wa svng nø gvzá sháò we, ínì gø, vdèò vdè tvrà svng nø mvsháò vsvng gvzá vlè. Kà pvn rvt íe má? wà nì nø, vdèò vdè tvrà svng shá lvm zì dvng mvl rvt íe. Wedø írvt, vdèò vdè tvrà svng shá shì nì nø, gvká vsvng í tvrà shøl mvra vm mi, kà pvn rvt íe má? - Nà kàgø íe wa mé sháò nì nø, nà kàpvn èwà shìè wà svng gø mè sháò we íe. Wekvt nà nø, ní nà tiq gò nì dø èí vmì. Ní nà wa pvn nø, kàpvn wá rà we svng angí mvsháò we íe. Vm aq lvm, yup lvm, yápvn rì svng wà sháò we íe. Wedø írvt ngà kàgø íe wà lòng svng èshá bøà nà nø, nvm lvt tiq vchvt we vsvng í lòngè.

 

Vsvng lvpvt zì dvng wawe nø, mòngàn taq pø vtvng we íe. Kaàpvn rvt íèmá wánì, vsvng nø, Gvràyó mvl shàm nvng vbúng rvt, dvdvm rvt svsvm sháò we, vgó mvcì vl rvt nø, tiq ciq lvpvt Gvràyò angcèrì íshà dø, Gvrày nvng tiq dø vl lún lám shànshvl pvlàcè vl rvt nø íe. Kàpvn wàò nì gø angò bvnchvt svng shá lún lvm vgò mvcì vlè. Té wa vsvng pvn vrvm nø Gvràyò angcè mvdøng íshà we svng nvm lvt shá lún shì e. Vrá vsvng wawe nø mòngàn rvgvq tøm vyáng wà lvpvt bé lvm mví lòng svng shá ràè.

 

Wedø írvt nø:maq mòngàn vsvng vràm wawe pvn nø vdèò vdè tvrà svng èsháò nì nø, vdèò lvpvt svng vbø shá bøà rvt nø lvpvt zìdvng nàháng lvm ílòngè. Vwà dø laq mví, Vháng lvm zì dàng svng yèl lún lám pvqzí dvzaq shìì wàng nø dvshvt mvyøngè. Pvmvràé..